Details
मागाठाणेत तत्काळ दाखले शिबिराला उस्फूर्त प्रतिसाद!
01-Jul-2019
”
केएचएल न्यूज ब्युरो
[email protected]
सध्या महाविद्यालयीन विद्यार्थ्याची महाविद्यालयीन प्रवेश घेण्यासाठी लगबग सुरू आहे. मात्र अनेक वेळा विद्यार्थ्यांकडे जातीचे दाखले वेळेवर उपलब्ध नसल्याने त्यांना प्रवेश मिळवण्यासाठी कसरत करावी लागते. विद्यार्थ्यांच्या दाखल्याची अडचण दूर होऊन त्यांना तत्काळ दाखले उपलब्ध होण्यासाठी मागाठाणे विधानसभेचे शिवसेना आमदार प्रकाश सुर्वे यांनी तत्काळ दाखले शिबिराचे नुकतेच आयोजन केले होते. तत्काळ दाखले शिबिराला विद्यार्थाना उस्फूर्त प्रतिसाद मिळाला. यावेळी 500 विद्यार्थ्यांना तत्काळ दाखले वितरित करण्यात आले. सर्व प्रमाणपत्र विभागप्रमुख व आमदार विलास पोतनीस, आमदार प्रकाश सुर्वे आणि महिला विभागसंघटक सुजाता शिंगाडे यांच्या हस्ते वितरित करण्यात आली.
बोरिवली पूर्व श्रीकृष्ण नगर येथील चौगुले शाळेत या तत्काळ दाखले शिबिराचे आयोजन तहसिलदार कार्यालयामार्फत करण्यात आले आहे. याकामी उपनगर जिल्हाधिकारी सचिन कुर्वे आणि बोरिवलीचे तहसीलदार विनोद धोत्रे यांनी मोलाचे सहकार्य केले अशी माहिती आमदार सुर्वे यांनी दिली. 80 टक्के समाजकारण आणि 20 टक्के राजकारण या शिवसेनाप्रमुखांच्या ब्रीदवाक्याप्रमाणे या तत्काळ दाखले शिबिराचे आयोजन करण्यात आले आहे. गेली चार वर्षे सातत्याने सदर दाखले शिबिराचे आपण मागाठाण्यात आयोजन करत असून आजपर्यंत हजारो विद्यार्थ्यांना दाखल्याचे वितरण करण्यात आले असल्याची त्यांनी सांगितले. मागाठाणे विभागातील शालेय विद्यार्थी आणि ज्येष्ठ नागरीक यांना ज्येष्ठ नागरिक कार्ड, व विद्यार्थ्यांना शासकीय दाखले मिळण्याकरिता होणारा त्रास लक्षात घेऊन तत्काळ दाखला शिबिराचे आयोजन करण्यात आले. सदर शिबिरात उत्पन्नाचे प्रमाणपत्र, ज्येष्ठ नागरीक प्रमाणपत्र, वय, राष्ट्रीयत्व आणि अधिवास प्रमाणपत्र आणि स्थानिक रहिवासी प्रमाणपत्र देण्यात आली.
यावेळी विभागातील सर्व नगरसेवक, नगरसेविका, पुरूष/महिला विधानसभा संघटक, उपविभागप्रमुख, महिला उपविभागसंघटक, शाखाप्रमुख, महिला शाखासंघटक आणि शिवसैनिक, पदाधिकारी उपस्थित होते.”
“केएचएल न्यूज ब्युरो
[email protected]
सध्या महाविद्यालयीन विद्यार्थ्याची महाविद्यालयीन प्रवेश घेण्यासाठी लगबग सुरू आहे. मात्र अनेक वेळा विद्यार्थ्यांकडे जातीचे दाखले वेळेवर उपलब्ध नसल्याने त्यांना प्रवेश मिळवण्यासाठी कसरत करावी लागते. विद्यार्थ्यांच्या दाखल्याची अडचण दूर होऊन त्यांना तत्काळ दाखले उपलब्ध होण्यासाठी मागाठाणे विधानसभेचे शिवसेना आमदार प्रकाश सुर्वे यांनी तत्काळ दाखले शिबिराचे नुकतेच आयोजन केले होते. तत्काळ दाखले शिबिराला विद्यार्थाना उस्फूर्त प्रतिसाद मिळाला. यावेळी 500 विद्यार्थ्यांना तत्काळ दाखले वितरित करण्यात आले. सर्व प्रमाणपत्र विभागप्रमुख व आमदार विलास पोतनीस, आमदार प्रकाश सुर्वे आणि महिला विभागसंघटक सुजाता शिंगाडे यांच्या हस्ते वितरित करण्यात आली.
बोरिवली पूर्व श्रीकृष्ण नगर येथील चौगुले शाळेत या तत्काळ दाखले शिबिराचे आयोजन तहसिलदार कार्यालयामार्फत करण्यात आले आहे. याकामी उपनगर जिल्हाधिकारी सचिन कुर्वे आणि बोरिवलीचे तहसीलदार विनोद धोत्रे यांनी मोलाचे सहकार्य केले अशी माहिती आमदार सुर्वे यांनी दिली. 80 टक्के समाजकारण आणि 20 टक्के राजकारण या शिवसेनाप्रमुखांच्या ब्रीदवाक्याप्रमाणे या तत्काळ दाखले शिबिराचे आयोजन करण्यात आले आहे. गेली चार वर्षे सातत्याने सदर दाखले शिबिराचे आपण मागाठाण्यात आयोजन करत असून आजपर्यंत हजारो विद्यार्थ्यांना दाखल्याचे वितरण करण्यात आले असल्याची त्यांनी सांगितले. मागाठाणे विभागातील शालेय विद्यार्थी आणि ज्येष्ठ नागरीक यांना ज्येष्ठ नागरिक कार्ड, व विद्यार्थ्यांना शासकीय दाखले मिळण्याकरिता होणारा त्रास लक्षात घेऊन तत्काळ दाखला शिबिराचे आयोजन करण्यात आले. सदर शिबिरात उत्पन्नाचे प्रमाणपत्र, ज्येष्ठ नागरीक प्रमाणपत्र, वय, राष्ट्रीयत्व आणि अधिवास प्रमाणपत्र आणि स्थानिक रहिवासी प्रमाणपत्र देण्यात आली.
यावेळी विभागातील सर्व नगरसेवक, नगरसेविका, पुरूष/महिला विधानसभा संघटक, उपविभागप्रमुख, महिला उपविभागसंघटक, शाखाप्रमुख, महिला शाखासंघटक आणि शिवसैनिक, पदाधिकारी उपस्थित होते.”
