स्वप्न स्वरुप प्रॉडक्शन निर्मित व सचिन आंबात यांनी दिग्दर्शित केलेले श्री गणेशाच्या आगमनच्या निमित्ताने नवचैतन्य देणार्या ‘ तू गणराया..’ या गाण्याचे पोस्टर भारतीय जनता पक्षाचे राष्ट्रीय सचिव आणि महाराष्ट्राचे माजी सांस्कृतिक कार्य मंत्री विनोद तावडे यांच्या हस्ते नुकतेच लाँच करण्यात आले.
हे गाणे लोकप्रिय अभिनेता सिध्दार्थ खिरीड व पायल कबरे या दोघांवर चित्रित करण्यात आले आहे. या गाण्याला संगीत रोहित ननावरे यांनी दिले आहे. तसेच हे गाणे स्नेहा महाडिक व रोहित ननावरे यांनी गायले आहे.
नवसंदेश देणारे हे गाणे अतिशय उत्तम रीतीने सादर करण्यात आले आहे, अशा शब्दांत विनोद तावडे यांनी याप्रसंगी आपल्या भावना व्यक्त केल्या.
