Homeबॅक पेजअर्पित पांडेने जिंकली...

अर्पित पांडेने जिंकली मंगला अडसूळ स्मृती बुद्धिबळ स्पर्धा     

मुंबईतल्या आयडियल स्पोर्ट्स अकॅडमीतर्फे आंतरराष्ट्रीय बुद्धिबळ दिनानिमित्त आयोजित मंगला अडसूळ स्मृती चषक खुली जलद बुद्धीबळ स्पर्धा फिडे गुणांकित बुद्धिबळपटू अर्पित पांडेने जिंकली. सातव्या साखळी फेरीपर्यंत सर्व सामने जिंकणाऱ्या अर्पितने निर्णायक आठव्या फेरीमध्ये सावध खेळ करीत रचित गुरनानीविरूद्ध २८व्या मिनिटाला बरोबरी साधली आणि सर्वाधिक ७.५ साखळी गुणांसह अजिंक्यपदाला गवसणी घातली.

विजेत्या अर्पित पांडेला रुपये दहा हजार पुरस्कारासह विजेतेपदाचा मंगला अडसूळ स्मृती चषक देऊन माजी केंद्रीय राज्यमंत्री आनंदराव अडसूळ यांनी गौरविले. यावेळी को-ऑप. बँक एम्पलॉईज युनियनचे कार्याध्यक्ष विष्णू तांडेल व खजिनदार प्रमोद पार्टे, मुंबई शहर बुद्धिबळ संघटनेचे सेक्रेटरी राजाबाबू गजेंगी, शिवछत्रपती पुरस्कार विजेते लीलाधर चव्हाण आदी मंडळी उपस्थित होती.

को-ऑप. बँक एम्पलॉईज युनियन-मुंबई, आरएमएमएस व मुंबई बुद्धिबळ संघटना सहकार्यीत स्पर्धेमध्ये रुपये सहा हजारसह द्वितीय पुरस्कार फिडे गुणांकित बुद्धिबळपटू रचित गुरनानीने (६.५ गुण) पटकाविला. १५ वर्षीय अरेना कॅन्डिडेट मास्टर अरविंद अय्यरने (६.५ गुण) तृतीय, फिडे मास्टर मिथिल आजगावकरने (६.५ गुण) चौथा, १८ वर्षीय फिडे मास्टर अनिरुद्ध पोतवाडने (६ गुण) पाचवा, अनिकेत बापटने (६ गुण) सहावा, वंश अग्रवालने (६ गुण) सातवा, जीत शाहने (६ गुण) आठवा, गुरुप्रसाद कुळकर्णीने (६ गुण) नववा, सोहम पवारने (६ गुण) दहावा, योहान बोरीचाने (६ गुण) अकरावा तर फिडे मास्टर वेदांत नगरकट्टेने (५,५ गुण) बारावा पुरस्कार मिळविला.

स्पर्धेमध्ये मुंबई शहर व उपनगर, ठाणे, पालघर, रायगड, सातारा आदी जिल्ह्यातील आंतरराष्ट्रीय फिडे गुणांकित ५१ बुद्धिबळपटूसह १०४ खेळाडूंनी चुरशीच्या लढती दिल्या. को-ऑप. बँक एम्पलॉईज युनियन-मुंबईतर्फे एकूण रु. ४१,००० /- आणि आकर्षक ७५ चषकांचा पुरस्कार शालेय व खुल्या स्पर्धेतील विजेत्या-उपविजेत्यांना देण्यात आला.

Continue reading

आता टोलनाका ओलांडतानाच तपासला जाणार गाडीचा विमा

वाहनचालकांसाठी महत्त्वाची बातमी आहे. राष्ट्रीय महामार्गावर टोलनाका ओलांडताना आता फास्टॅगद्वारे केवळ टोलच कापला जाणार नाही, तर वाहनाच्या थर्ड पार्टी विम्याची वैधताही तपासली जाणार आहे. भारतीय राष्ट्रीय महामार्ग प्राधिकरणाने (एनएचएआय)ने ही नवीन स्वयंचलित यंत्रणा सुरू केली आहे. सध्या प्रायोगिक तत्त्वावर...

आता ‘पीएफ’ची रक्कम घ्या नियमित हफ्त्याने

निवृत्तीनंतर पीएफचे पैसे एकाचवेळी काढायचे की हफ्त्याने घ्यायचे, हा प्रश्न आता सुटला आहे. कर्मचारी भविष्य निर्वाह निधी संघटना (ईपीएफओ)ने गुरुवारी सिस्टिमॅटिक विथड्रॉवल प्लॅन (एसडब्ल्यूपी)ला मंजुरी दिली. केंद्रीय कामगारमंत्री मनसुख मांडविया यांच्या अध्यक्षतेखाली झालेल्या केंद्रीय विश्वस्त मंडळ (सीबीटी)च्या २४०व्या बैठकीत...

मतदारयादीत नाव नाही? अर्ज करा ३० नोव्हेंबरपर्यंत!

महाराष्ट्रातील विशेष सखोल मतदारयादी पुनरिक्षण (एसआयआर)चे वेळापत्रक निवडणूक आयोगाने पुन्हा एकदा सुधारले आहे. केंद्रीय निवडणूक आयोगाचे अवर सचिव संदीप कुमार यांनी जारी केलेल्या पत्रानुसार, आता महाराष्ट्राची अंतिम मतदारयादी ३० नोव्हेंबरला नव्हे, तर मंगळवारी, २२ डिसेंबर २०२६ रोजी प्रसिद्ध होणार...
Skip to content