भारतातील चौथ्या सर्वात मोठी खाजगी आयएसपी आणि हिंदुजा ग्लोबल सोल्युशन्स लिमिटेडची उपकंपनी वनओटीटी इंटरटेन्मेंट लि.च्या सेलेरिटीएक्स (CelerityX), या एंटरप्राइझ नेटवर्किंग सोल्यूशन्स कंपनीने वनएक्स (OneX) ही नेटवर्क व्यवस्थापन, सुरक्षा आणि लॅन-साइड कंट्रोल सोल्यूशन कव्हर करणारे युनिफाइड नेटवर्क-एज-ए-सर्व्हिस सोल्यूशन लॉन्च करण्याची नुकतीच घोषणा केली. याची सुरुवात म्हणून महाराष्ट्रातील सहकारी पतसंस्थांना भेडसावणाऱ्या कनेक्टिव्हिटी आव्हानांना तोंड देण्यासाठी OneX सज्ज करण्याची घोषणा केली. महाराष्ट्र स्टेट को-ऑपरेटिव्ह क्रेडिट सोसायटीज फेडरेशन (MAFCOCS)सह धोरणात्मक भागीदारीद्वारे, राज्यभरात 100,000पेक्षा जास्त शाखांना सेवा देण्याची क्षमता असलेल्या राज्यातील 40,000 शाखांसाठी सुरक्षित आणि उच्च अपटाइम बँकिंग कनेक्टिव्हिटी सक्षम करण्याचे उद्दिष्ट आहे.
बँकिंग क्षेत्र अनेकदा कनेक्टिव्हिटीच्या समस्यांशी झुंजत असते. विशेषत: टियर 2 आणि 3 शहरांमध्ये, जेथे कालबाह्य प्रणाली आधुनिक धोक्यांपासून सुरक्षा प्रदान करण्यात अयशस्वी ठरतात. OneX तत्परतेने आणि सुरक्षिततेसह जटिलता सुलभ करते आणि मोबाइल सिमसह अनेक WAN तंत्रज्ञानाचा लाभ घेण्याची क्षमता, उच्च अपटाइम, शून्य विश्वास-आधारित नेटवर्क आणि सर्व ठिकाणी सुरक्षितता सुनिश्चित करते.
MAFCOCSचा भाग असलेल्या महाराष्ट्रातील सहकारी पतसंस्थांना OneXसोबतच्या युतीचा फायदा होईल, सुरक्षितता आणि अपटाइम सुनिश्चित करण्यासाठी फायरवॉल आणि शून्य-त्रिज्या परिमिती सुरक्षा उपायांसह ब्रॉडबँड आणि मोबाइल सिमचा लाभ घेऊन कनेक्टिव्हिटी सुव्यवस्थित करेल. सर्वात महत्त्वाचे म्हणजे, OneX कॉस्टिंग स्ट्रक्चरचा फायदा अगदी लहान क्रेडिट सोसायट्यांना होईल, जे त्यांच्या नेटवर्क इन्फ्रास्ट्रक्चरवर सायबर हल्ले रोखण्यासाठी या अत्यावश्यक सेवेचा लाभ घेऊ शकतात. CelerityXला समता सहकारी पतसंस्थेकडून महाराष्ट्रातील शाखांसाठी त्याची पहिली ऑर्डर प्राप्त झाली आहे आणि इतरांशी चर्चा सुरू आहे.
MAFCOCSचे अध्यक्ष ओम प्रकश दड्डपा तथा काका कोयटे म्हणाले की, महाराष्ट्रातील नागरी सहकारी पतसंस्थांची आर्थिक परिस्थिती ही नागरी सहकारी व राष्ट्रीयकृत बँकांच्या बरोबरीने येत आहे. अनेक नागरी सहकारी पतसंस्था या नागरी सहकारी बँकांपेक्षादेखील आर्थिक स्थितीने मजबूत व मोठ्या झालेल्याआहेत. त्यामुळे आता पतसंस्थांमध्ये अत्याधुनिक तंत्रज्ञान आता मोठ्या प्रमाणावर वापरले जात आहे. अत्याधुनिक तंत्रज्ञानाच्या वापरामुळे सर्वात मोठा तोटा म्हणजे या अत्याधुनिक तंत्रज्ञानावर आक्रमण करूनसायबर क्राईमदेखील मोठ्या प्रमाणात बाढू शकतात. त्यामुळे नागरी सहकारी पतसंस्थांनीदेखील सायबर सिक्युरिटीची काळजी घेणे ही काळाची गरज आहे. त्यादृष्टीने महाराष्ट्र राज्य सहकारी पतसंस्था फेडरेशनने हिंदुजा कंपनीची संलग्न कंपनी असलेल्या CelerityX कंपनीबरोबर समझोत्याचा करारनामा केलेला आहे.
या करारनाम्याअन्वये महाराष्ट्रातील जास्तीतजास्त नागरी सहकारी पतसंस्थांना सायबर सिक्युरिटी पुरविण्याच्या दृष्टीने मोठे पाऊल उचलले गेले असल्याची माहिती महाराष्ट्र राज्य सहकारी पतसंस्था फेडरेशनचे अध्यक्ष कोयटे यांनी दिली. अतिशय अल्प दरात पतसंस्थांना ही सुविधा उपलब्ध करून देण्याकरीता महाराष्ट्र राज्य सहकारी पतसंस्था फेडरेशनने प्रयत्न केलेले आहेत तसेच कोयटे अध्यक्ष असलेल्या समता नागरी सहकारी पतसंस्थेनेदेखील ही प्रणाली स्वीकारलेली आहे. त्यामुळे महाराष्ट्रात जास्तीतजास्त पतसंस्थांनी CelerityX या कंपनीची ही प्रणाली स्वीकारावी, असे आवाहन महाराष्ट्र राज्य सहकारी पतसंस्था फेडरेशनकडून करण्यात आले आहे.
सेलेरिटीएक्सचे मुख्य व्यवसाय अधिकारी समीर कणसे म्हणाले की, OneXसह, आम्ही सहकारी पतसंस्थांसाठी बँकिंग कनेक्टिव्हिटीचे लोकशाहीकरण करत आहोत. MAFCOCSसोबतची ही भागीदारी आर्थिक समावेशनाला चालना देण्यासाठी आणि ग्रामीण क्षेत्रातील वृद्धीला चालना देण्याच्या दिशेने एक मोठे पाऊल आहे आणि अशाच आव्हानांचा सामना करत असलेल्या इतर राज्यांमध्ये विस्तार करण्याचा आमचा विचार आहे.
मजबूत पायाभूत सुविधा आणि स्केलेबल तंत्रज्ञानासह OneXकडे संपूर्ण भारतातील 100,000 शाखांना जोडण्याची क्षमता आहे. हे आर्थिक समावेशनाला बळ देते आणि बँकांना डिजिटल युगात भरभराटीसाठी आवश्यक असलेल्या नेटवर्क सुरक्षिततेसह सुसज्ज करते. OneX त्याच्या सॉफ्टवेअर परिभाषित WANसाठी ‘मेक इन इंडिया’ प्रमाणपत्र मिळालेले आहे. ते खरे बँडविड्थ एकत्रिकरण प्रदान करते आणि इनपुट स्त्रोत अपयशीदरम्यान डाउनटाइम किंवा सत्र समाप्तीशिवाय कार्यक्षम वापर सक्षम करते.
