Sunday, June 23, 2024
Homeन्यूज अँड व्ह्यूजयुसीसी ठरते फसव्यांची...

युसीसी ठरते फसव्यांची मदतगार!

अनसोलिसीटेड कमर्शियल कम्युनिकेशन, युसीसी (UCC), म्हणजेच गरज नसताना पुरवली जाणारी व्यावसायिक माहिती, लोकांच्या गैरसोयीला कारणीभूत ठरते आणि त्यांच्या गोपनीयतेला बाधा पोहोचवते. फसवणूक करणाऱ्यांद्वारे अशाच स्वरूपाच्या माहितीचादेखील वापर केला जातो, या निष्कर्षापर्यंत भारतीय दूरसंचार नियामक प्राधिकरण (ट्राय) पोहोचले असून याला आळा घालण्याकरीता कोणत्या उपाययोजना करायच्या यावर प्राधिकरण विचार करत आहे.

ट्राय (TRAI), अर्थात भारतीय दूरसंचार नियामक प्राधिकरणाने मंगळवारी नवी दिल्लीतल्या ट्रायच्या मुख्यालयात नियामकांच्या संयुक्त समितीची (JCoR) बैठक आयोजित केली होती. भारतीय रिझर्व्ह बँक (RBI), सिक्युरिटीज अँड एक्सचेंज बोर्ड ऑफ इंडिया (SEBI), ग्राहक व्यवहार मंत्रालय (MoCA) आणि JCoRचा सदस्य म्हणून ट्रायचे प्रतिनिधी, विशेष निमंत्रित म्हणून दूरसंचार विभाग (DoT) आणि गृह मंत्रालयाचे प्रतिनिधी (MHA) या बैठकीला उपस्थित होते.

युसीसी

ट्रायचे अध्यक्ष अनिल कुमार लाहोटी यांनी बैठकीला संबोधित केले. JCoR हा ट्रायद्वारे सुरु करण्यात आलेला एक सहयोगी उपक्रम असून, डिजिटल जगात नियामक परिणामांचा अभ्यास करणे आणि नियमांच्या अंमलबजावणीवर सहकार्याने काम करणे, हे याचे उद्दिष्ट आहे. युसीसी आणि फसवणुकीची प्रकरणे हाताळण्यासाठी दूरसंचार संसाधनांद्वारे अंमलात आणण्याजोग्या विविध संभाव्य सहयोगी पद्धती आणि उपाययोजनांवर या बैठकीत चर्चा झाली.

या बैठकीत चरचेला आलेले महत्त्वाचे मुुद्दे-

अनधिकृत 10-अंकी मोबाईल क्रमांक तसेच लँडलाइन नंबरवरून येणारे अनपेक्षित कॉल.

प्रमोशनल कॉल करण्यासाठी प्रिन्सिपल एंटिटीज (दूरसंचार संसाधनांचा वापर करून व्यावसायिक संवाद करणाऱ्या संस्था)द्वारे 140 सिरीजचा वापर.

ग्राहक सहज ओळखण्यासाठी प्रिन्सिपल एंटिटीजद्वारे सेवा आणि व्यवहारविषयक कॉल करण्यासाठी 160 सिरीजचा वापर.

यूसीसी कॉल्स आणि मेसेज रोखण्यामधील प्रिन्सिपल एंटिटीज, विशेषतः BFSI (बँकिंग, वित्त सेवा आणि विमा) क्षेत्रातील संस्थांची भूमिका.

दूरसंचार सेवा प्रदात्यांनी स्थापित केलेल्या डिजिटल संमती संपादन (DCA) प्रणालीच्या मदतीने, ओटीपीचा वापर करून ग्राहकांकडून योग्य पडताळणीसह सोप्या आणि पारदर्शक प्रक्रियेद्वारे प्रिन्सिपल एंटिटीजद्वारे, डिजिटल संमती संपादन करणे. DCA, ग्राहकांकडून मिळालेली संमती रद्द करण्याचीदेखील परवानगी देते.

सामग्री टेम्पलेट्समध्ये Urls/Apks/OTT लिंक्स/कॉल बॅक नंबरचे व्हाइटलिस्टिंग.

दूरसंचार संसाधनांचा वापर करून फसवणुकीवर नियंत्रण मिळवणे आणि केवायसी प्रक्रिया अधिक मजबूत करणे.

विविध मंचाच्या मदतीने माहितीचे आदान-प्रदान.

Continue reading

एलजीबीटीक्‍यूआयए+ समुदायासाठी व्यावसायिक प्रशिक्षण

फेडरल एक्‍स्‍प्रेस कॉर्पोरेशन (फेडएक्स) या जगातील सर्वात मोठ्या एक्‍स्‍प्रेस परिवहन कंपनी व्‍यावसायिक प्रशिक्षण स्‍कॉलरशिप्‍स देत जवळपास १०० एलजीबीटीक्‍यूआयए+ समुदायातल्या सदस्‍यांना अपस्किल करत आहे. या उपक्रमांतर्गत पात्र एलजीबीटीक्‍यूआयए+ व्‍यक्‍तींना सौंदर्य, शिवणकाम, नृत्‍य, मेकअप व मेहंदी कला अशा विविध क्षेत्रांमध्‍ये व्‍यावसायिक प्रशिक्षण...

मंदीच्या वातावरणातही एआय, एफएमसीजी क्षेत्रात रोजगारात वाढ

मंदीच्या वातावरणातही एआय, एफएमसीजी, ऑईल अँड गॅस क्षेत्रामधील रोजगारामध्‍ये वाढ झाल्याचे नोकरी जॉबस्‍पीकच्या सर्वेक्षणात आढळून आले आहे. नोकरी जॉबस्‍पीक इंडेक्‍स हा भारतातील व्‍हाइट कॉलर हायरिंग आघाडीचा सूचक एप्रिल २४च्‍या तुलनेत मे महिन्‍यामध्‍ये ६ टक्‍क्‍यांनी वाढला. पण गेल्‍या वर्षाच्‍या मे महिन्‍याच्‍या...

डी.एल.एड. प्रथम वर्ष प्रवेशासाठी 25 जूनपर्यंत मुदतवाढ

राज्य शैक्षणिक संशोधन व प्रशिक्षण परिषद, महाराष्ट्र, पुणे यांच्यामार्फत शैक्षणिक वर्ष 2024-25करिता डी.एल.एड. (D.El.Ed) प्रथम वर्ष प्रवेशासाठी ऑनलाईन अर्ज भरण्याची मुदत 25 जून 2024पर्यंत वाढवण्यात आली आहे. याआधी डी.एल.एड. (D.El.Ed) प्रथम वर्ष प्रवेशासाठी ऑनलाईन अर्ज भरण्याची मुदत 18 जून 2024पर्यंत होती. तथापि बऱ्याच संस्था, लोकप्रतिनिधी व...
error: Content is protected !!