बृहन्मुंबई महानगरपालिकेकडून उद्या, बुधवार ते गुरुवार, ३० मेदरम्यान बी. डी. पाटील मार्ग, वाशी नाका येथे ४५० मिलीमीटर व ७५० मिलीमीटर व्यासाच्या जलवाहिनी जोडण्याचे काम हाती घेण्यात येणार आहे. त्यामुळे मुंबईतल्या एम पूर्व आणि एम पश्चिम विभागातील चेंबूर परिसरातल्या काही भागांना उद्या बुधवारी सकाळी १०.०० वाजल्यापासून गुरुवारी सकाळी १० वाजेपर्यंत पाणीपुरवठा बंद राहणार आहे.
या भागात नसणार पाणी-
१) एम पूर्व विभाग (बीट क्रमांक १४७ ते १४८)– लक्ष्मी वसाहत, राणे चाळ, नित्यानंद बाग, तोलाराम वसाहत, श्रीराम नगर, जे. जे. वाडी, शेठ हाइट्स, डोंगरे पार्क, टाटा वसाहत, भारत पेट्रोलियम कॉर्पोरेशन लिमिटेड (बी. पी. सी. एल.) वसाहत, एच. पी. सी. एल. वसाहत, गवाणपाडा, हिंदुस्थान पेट्रोलियम कॉर्पोरेशन लिमिटेड (एच. पी. सी. एल.) रिफायनरी, इंडियन ऑइल कॉर्पोरेशन, टाटा पॉवर थर्मल प्लांट, बी. ए. आर. सी., वरुण बेवरेजेस (बुधवार, दिनांक २९.०५.२०२४ रोजी सकाळी १०.०० ते गुरुवार, दिनांक ३०.०५.२०२४ सकाळी १०.०० वाजेपर्यंत पाणीपुरवठा बंद राहील).
२) एम पश्चिम विभाग (बीट क्रमांक १५४ ते १५५)- माहुलगाव, आंबापाडा, जिजामाता नगर, वाशी नाका मैसूर वसाहत, खाडी मशीन, आर. सी. मार्ग, शहाजी नगर, कलेक्टर वसाहत, सिंधी वसाहत, लालडोंगर, सुभाषचंद्र बोस नगर, नवजीवन सोसायटी, ओल्ड बराक चेंबूर छावणी (बुधवार, दिनांक २९.०५.२०२४ रोजी सकाळी १०.०० वाजल्यापासून गुरुवार, दिनांक ३०.०५.२०२४ सकाळी १०.०० वाजेपर्यंत पाणीपुरवठा बंद राहील).
संबंधित परिसरातील नागरिकांनी पाण्याचा पुरेसा साठा करावा तसेच पाणी जपून व काटकसरीने वापरावे, असे आवाहन पालिका प्रशासनातर्फे करण्यात आले आहे.