Thursday, June 13, 2024
Homeएनसर्कलरविंद्र वायकरांच्या प्रचारात...

रविंद्र वायकरांच्या प्रचारात उतरले तृतीयपंथीय!

जोगेश्वरी पूर्व विधानसभेचे आमदार आणि उत्तर-पश्चिम लोकसभा मतदारसंघातले शिवसेनेचे उमेदवार रविंद्र वायकर यांच्या विकासकामांमुळे प्रभावित झालेल्या या परिसरातील तृतीयपंथियांनी आता वायकर यांच्या प्रचारातही उडी घेतली आहे. रविवारी शंभरपेक्षा जास्त तृतीयपंथियांनी दिंडोशी परिसरात घरोघरी जाऊन वायकर यांच्याकरीता मतांचा जोगवा मागितला.

आपल्या कार्यकुशलतेने जोगेश्वरी विधानसभा क्षेत्राचा सर्वांगीण विकास करून जोगेश्वरीला एक वेगळी ओळख निर्माण करून वायकर यांनी जोगेश्वरीकरांच्या मनामध्ये स्वतःचं वेगळे स्थान निर्माण केले आहे. त्यांनी आजपर्यंत केलेल्या विकासकामांनी प्रभावित झालेल्या तृतीयपंथियांनीही त्यांचा प्रचार करण्याचा निर्णय घेतला होता. रविवारी सायंकाळी ५ ते ७ या वेळेत १००पेक्षा जास्त तृतीयपंथियांनी दिंडोशी परिसरात वायकरांटा प्रचार केला.

तृतीयपंथियांनी आमदार वायकरांची भेट घेऊन समाजात त्यांना भेडसवणार्‍या समस्यासंदर्भात चर्चा केली होती. यात तृतीयपंथियांसाठी कुठेच शौचालयाची व्यवस्था नसल्याचे त्यांनी निदर्शनास आणले होते. तृतीयपंथियांची होणारी ही गैरसोय लक्षात घेऊन वायकर यांनी तातडीने गोरेगाव (पूर्व) आरे चेकनाका येथे उभारलेल्या उद्यानामध्ये तृतीयपंथीसाठी शौचालय उभारले. वायकर यांच्या या व अन्य कामाने प्रभावित झालेले तृतीयपंथी त्यांच्या प्रत्येक कार्यात ठामपणे त्यांच्या पाठीमागे उभे राहण्याचे ठरवले आहे.

मुंबई उत्तर-पश्चिम लोकसभा मतदारसंघातील महायुतीकडून उमेदवारी जाहीर होताच तृतीयपंथियांनी वायकर यांची भेट घेतली होती. नुसती भेट न घेता त्यांच्यासमवेत काम करण्याची इच्छाही व्यक्त केली होती. त्यानुसारच द्वारकामाई चॅरिटेबल ट्रस्टच्या माध्यमातून १००पेक्षा जास्त तृतीयपंथियांनी दिंडोशी, गोरेगाव (पूर्व) येथील क्रांतीनगर, रामलीला मैदान, पाणबुडी, पिंपरीपाडा ते इंदिरानगरपर्यंत वायकर यांचा घरोघरी जाऊन प्रचार केला.

Continue reading

गिनीज बुक ऑफ वर्ल्ड रेकॉर्डने घेतली झोमॅटोची नोंद

भारतातील फूड-ऑर्डरिंग प्लॅटफॉर्म, झोमॅटोने डिलिव्हरी पार्टनर्सना जीवन वाचवणारी महत्त्वपूर्ण कौशल्ये शिकवण्यासाठी आयोजित केलेल्या पहिल्या कार्यक्रमाची गिनीज बुक ऑफ वर्ल्ड रेकॉर्ड नोंद घेतली आहे. सर्वात मोठ्या प्रमाणात प्रथमोपचार प्रशिक्षण कार्यक्रम एकाच छताखाली एकाच वेळी केल्याचा हा कार्यक्रम मुंबईतल्या नेस्को, गोरेगाव येथे आयोजित करण्यात...

राज्यसभेसाठी राष्ट्रवादीकडून सुनेत्रा पवार

राष्ट्रवादी काँग्रेसचे कार्याध्यक्ष खासदार प्रफुल पटेल यांनी दिलेल्या राजीनाम्याने रिक्त झालेल्या राज्यसभेच्या जागेसाठी होत असलेल्या पोटनिवडणुकीकरीता आज राष्ट्रवादी काँग्रेसच्यावतीने सुनेत्रा पवार यांनी उमेदवारीअर्ज दाखल केल्याची माहिती राष्ट्रवादीचे प्रदेशाध्यक्ष खासदार सुनिल तटकरे यांनी माध्यमांना दिली. राष्ट्रवादीच्या संसदीय मंडळाची बैठक बुधवारी रात्री...

लोकसभा निवडणुकीत मविआत मेरीटनुसार जागावाटप नाही!

लोकसभा निवडणुकीत महाविकास आघाडीला चांगले यश मिळाले असले तरी यापेक्षाही अधिक यश मिळू शकले असते. त्यामुळेच आता विधानसभा निवडणुकीत आघाडी म्हणून लढताना मेरीटनुसारच जागा वाटप झाले तर चांगला निकाल लागू शकतो. काँग्रेस महाविकास आघाडी म्हणूनच विधानसभा निवडणूक लढवणार असून...
error: Content is protected !!