Tag: Hema Malini

आपल्या बहुसांस्कृतिक देशात आपण आपल्या आवडत्या चित्रपट‌ कलाकार, क्रिकेटपटूसारखं दिसावं, असावं यासाठी आपल्या चेहऱ्यावर, केसांवर, हसण्यावार, पाहण्यावर मेहनत घेणारे, ब्यूटी पार्लरवर चकरा मारणारे 'दीवाने' (की येडे?) कमी नाहीत. ती वेडी मानसिकता वेगळी. राजेश खन्नाच्या अक्राळविक्राळ क्रेझच्या युगात आमच्या गिरगावात एक दोन नव्हे तर चक्क चार डिक्ट्टो राजेश खन्ना इकडेतिकडे फिरत होते.‌ तरी बरं 'ओरिजनल' राजेश खन्ना आमच्याच गिरगावातील ठाकूरद्वार नाक्यावरील सरस्वती निवासचा रहिवासी. 'सुपर स्टार‌' होताच वांद्र्याच्या कार्टर रोडवरील आशीर्वाद बंगल्यात राहायला गेला. म्हणून आता त्याच्यासारखे राजेश खन्ना पाहून आम्ही समाधान मानायचो. हे म्हणजे स्काॅचची तहान उसाच्या रसावर भागवण्यासारखे...