महाराष्ट्राच्या बारामती लोकसभा मतदारसंघातल्या महायुतीच्या उमेदवार सुनेत्रा पवार आज आंबेगावमध्ये प्रचारदौऱ्यावर असताना लेक विस्टा सोसायटीच्या आवारात क्रिकेटचा आनंद लुटताना चौकार आणि षटकारांची आतषबाजी केली.
रविवार असल्यामुळे सर्व नागरिक क्रिकेट खेळण्याचा आनंद घेत होते. त्याचवेळी सुनेत्रावहिनी प्रचारासाठी तेथे पोहोचल्या. तेव्हा तिथल्या सर्व नागरिकांनी त्यांना क्रिकेट खेळण्याचा आग्रह केला. त्याही नागरिकांच्या आग्रहाला मान देत चक्क बॅट घेऊन क्रिकेटच्या मैदानात उतरल्या व विजयाचे चौकार व षटकार लगावले. महायुतीच्या उमेदवाराला प्रचंड बहुमताने विजयी करा, असे आवाहनही त्यांनी केले.
आंबेगावमधील प्रतिष्ठित अशी मानली जाणाऱ्या विंडसर प्रीमियर लीग क्रिकेट स्पर्धेचे महायुतीच्या उमेदवार सुनेत्रावहिनींच्या हस्ते उद्घाटन झाले. यावेळी खेळाडूंशी सुनेत्रावहिनींनी आपुलकीचा संवाद साधला. यावेळी मैदानावर क्रिकेटप्रेमींकडून महायुतीचा विजय असो, सुनेत्रावहिनी आगे बढो.. हम तुम्हारे साथ है, अशा घोषणा देत सर्व खेळाडू महायुतीसोबत असल्याचा विश्वास दिला. यावेळी महायुतीचे सर्व पदाधिकारी उपस्थित होते.