Thursday, June 13, 2024
Homeडेली पल्स'आकाश'ची चाचणी यशस्वी!

‘आकाश’ची चाचणी यशस्वी!

संरक्षण संशोधन आणि विकास संस्थेने (डी. आर. डी. ओ.) काल ओडिशाच्या किनारपट्टीवरील चांदीपूर येथील एकीकृत चाचणी स्थळावरून (आय. टी. आर.) नव्या पिढीच्या आकाश (ए. के. ए. एस. एच.-एन. जी.) क्षेपणास्त्राची यशस्वी उड्डाण चाचणी घेतली.

अत्यंत कमी उंचीवर वेगवान मानवरहित हवाई लक्ष्याविरूद्ध ही उड्डाण-चाचणी घेण्यात आली. उड्डाण-चाचणीदरम्यान, शस्त्र प्रणालीद्वारे लक्ष्याचा यशस्वीरित्या वेध घेऊन ते नष्ट केले गेले. यामुळे स्वदेशी विकसित रेडिओ फ्रिक्वेन्सी सीकर, लॉन्चर, मल्टी-फंक्शन रडार आणि कमांड, कंट्रोल आणि कम्युनिकेशन प्रणालीसह क्षेपणास्त्राचा समावेश असलेल्या संपूर्ण शस्त्र प्रणालीच्या कार्यास मान्यता मिळाली आहे.

आय. टी. आर., चांदीपूरने तैनात केलेल्या अनेक रडार, टेलीमेट्री आणि इलेक्ट्रो ऑप्टिकल ट्रॅकिंग प्रणालीद्वारे मिळवलेल्या माहितीआधारेदेखील प्रणालीची कामगिरी प्रमाणित केली गेली आहे. डी. आर. डी. ओ., भारतीय हवाई दल (आय. ए. एफ.), भारत डायनॅमिक्स लिमिटेड (बी. डी. एल.) आणि भारत इलेक्ट्रॉनिक्स लिमिटेडचे (बी. ई. एल.) वरिष्ठ अधिकारी यावेळी उपस्थित होते. आकाश-एनजी प्रणाली ही एक अत्याधुनिक क्षेपणास्त्र प्रणाली आहे. ती वेगवान, चपळ हवाई धोक्यांना रोखू शकते. यशस्वी उड्डाण चाचणीमुळे वापरकर्त्याच्या चाचण्यांचा मार्ग मोकळा झाला आहे.

उड्डाण चाचणीबद्दल डी. आर. डी. ओ., आय. ए. एफ., सार्वजनिक उपक्रमांचे आणि उद्योगांचे संरक्षण मंत्री सिंह यांनी कौतुक केले आहे. या प्रणालीच्या यशस्वी विकासामुळे देशाची हवाई संरक्षण क्षमता आणखी वाढेल, असे ते म्हणाले. संरक्षण संशोधन आणि विकास विभागाचे सचिव आणि डी. आर. डी. ओ. चे अध्यक्ष डॉ. समीर व्ही. कामत यांनीही आकाश-एन. जी. च्या यशस्वी चाचणीशी संबंधित पथकांचे अभिनंदन केले.

Continue reading

गिनीज बुक ऑफ वर्ल्ड रेकॉर्डने घेतली झोमॅटोची नोंद

भारतातील फूड-ऑर्डरिंग प्लॅटफॉर्म, झोमॅटोने डिलिव्हरी पार्टनर्सना जीवन वाचवणारी महत्त्वपूर्ण कौशल्ये शिकवण्यासाठी आयोजित केलेल्या पहिल्या कार्यक्रमाची गिनीज बुक ऑफ वर्ल्ड रेकॉर्ड नोंद घेतली आहे. सर्वात मोठ्या प्रमाणात प्रथमोपचार प्रशिक्षण कार्यक्रम एकाच छताखाली एकाच वेळी केल्याचा हा कार्यक्रम मुंबईतल्या नेस्को, गोरेगाव येथे आयोजित करण्यात...

राज्यसभेसाठी राष्ट्रवादीकडून सुनेत्रा पवार

राष्ट्रवादी काँग्रेसचे कार्याध्यक्ष खासदार प्रफुल पटेल यांनी दिलेल्या राजीनाम्याने रिक्त झालेल्या राज्यसभेच्या जागेसाठी होत असलेल्या पोटनिवडणुकीकरीता आज राष्ट्रवादी काँग्रेसच्यावतीने सुनेत्रा पवार यांनी उमेदवारीअर्ज दाखल केल्याची माहिती राष्ट्रवादीचे प्रदेशाध्यक्ष खासदार सुनिल तटकरे यांनी माध्यमांना दिली. राष्ट्रवादीच्या संसदीय मंडळाची बैठक बुधवारी रात्री...

लोकसभा निवडणुकीत मविआत मेरीटनुसार जागावाटप नाही!

लोकसभा निवडणुकीत महाविकास आघाडीला चांगले यश मिळाले असले तरी यापेक्षाही अधिक यश मिळू शकले असते. त्यामुळेच आता विधानसभा निवडणुकीत आघाडी म्हणून लढताना मेरीटनुसारच जागा वाटप झाले तर चांगला निकाल लागू शकतो. काँग्रेस महाविकास आघाडी म्हणूनच विधानसभा निवडणूक लढवणार असून...
error: Content is protected !!