Saturday, June 22, 2024
Homeबॅक पेजपर्यटकांसाठी आकर्षण ठरतेय...

पर्यटकांसाठी आकर्षण ठरतेय मुंबईतले शिल्पग्राम उद्यान

बृहन्मुंबई महानगरपालिकेमार्फत विकसित करण्यात आलेले मातोश्री मीनाताई ठाकरे शिल्पग्राम उद्यान मुंबईतल्या जोगेश्वरी विक्रोळी लिंक रस्त्यानजीक जोगेश्वरीतल्या पूनमनगर येथे आहे. महाराष्ट्रातील बारा बलुतेदार, त्यांची जीवनपद्धती यांच्या संकल्पनेवर आधारित हे उद्यान बारा बलुतेदारबरोबर प्राचीन खेळ, नृत्य यांची शिल्पेही विविध भागात उभारण्यात आली आहेत. सध्या हे पर्यटकांसाठी एक आकर्षणाचे केंद्र ठरले आहे.

शिल्पग्राममध्ये या शिल्पांसोबत लहान मुलांना खेळण्याची विविध उपकरणे, संगीतमय कारंजेदेखील उपलब्ध आहेत. खुला रंगमंच, आकर्षक पायवाटा, हिरवळ इत्यादी सुविधांची उपलब्धता असल्याने अनेक आबालवृद्ध त्याचा लाभ घेत आहेत. शिल्पग्राम उद्यान ५५,००० चौ.मी क्षेत्रफळावर वसले असून उद्यान, खेळ, संगीतमय कारंजे, दिव्यांगांसाठी विशेष उपकरणे तसेच विविध कलाकुसरीच्या वस्तूचे प्रदर्शन व विक्रीसाठी सुसज्ज व्यवस्था करण्यात आली आहे.

या सुविधांसोबतच विविध प्रकाराच्या वनस्पती, वेली, फुलझाडे, यांनी शिल्पग्रामची शोभा वाढवली आहे. सध्या बहावा, ताम्हण, सोनमोहोर, चाफा, कैलासपती, कांचन, इत्यादी वृक्ष फुलांनी बहरलेले आहेत. बचतगटांच्या विविध उपक्रमांना योग्य व्यासपीठ मिळवण्याच्या हेतूने शिल्पग्राममध्ये आठवडी बाजारदेखील भरविण्यात येतो. एकंदर या उन्हाळ्याच्या सुट्टीत मौजमजा, खेळाबरोबर सुंदर हिरवाई पाहण्यासाठी सर्व आबालवृद्धांनी शिल्पग्रामला भेट नक्की द्यायला हवी, असे मुंबई महापालिकेचे उद्यान अधीक्षक जितेंद्र परदेशी यांनी सांगितले.

शिल्पग्राम बुधवार वगळता सकाळी ६ वाजल्यापासून रात्री १० वाजेपर्यंत नागरिकांच्या वापराकरिता उपलब्ध करण्यात आले आहे. शिल्पग्राममध्ये प्रौढांकरिता  रु. १०/-, तसेच १२ वर्षांखालील मुलांसाठी ५/- प्रवेश शुल्क आकारण्यात येते. दिव्यांग व ज्येष्ठ नागरिकांना शिल्पग्राममध्ये निशुल्क प्रवेश दिला जातो.

Continue reading

न्यूयॉर्कनंतर १०० किलोमीटर जलबोगदे असणारे शहर म्हणजे मुंबई

मुंबईतल्या अमर महल ते वडाळा व पुढे परळपर्यंतच्या ९.७ किलोमीटर लांबीच्या जलबोगद्याचे खोदकाम 'टीबीएम' संयंत्राद्वारे पूर्ण झाले आहे. या भूमिगत जल बोगदा प्रकल्पांतर्गत वडाळा ते परळदरम्यान ५.२५ किलोमीटर लांबीच्या दुसऱ्या टप्प्याच्या जलबोगद्याचा 'ब्रेक थ्रू' आज महानगरपालिका आयुक्त तथा प्रशासक...

देशातल्या 8 लोकसभा मतदारसंघांच्या काही मतांची होणार पडताळणी

भारत निवडणूक आयोगाने 1 जून 2024 रोजी जारी केलेल्या मानक कार्यप्रणालीच्या अनुषंगाने, नुकत्याच झालेल्या लोकसभा आणि राज्य विधानसभेच्या निवडणुकांचे निकाल जाहीर झाल्यानंतर, ईव्हीएमची बर्न्ट मेमरी/मायक्रोकंट्रोलर तपासणी/पडताळणीसाठी अनुक्रमे 8 आणि 3 अर्ज प्राप्त झाले आहेत. याचा तपशील पुढीलप्रमाणे: लोकसभा आम चुनाव 2024ईवीएम जांच...

कायद्याच्या पदवीधरांना करिअरच्या अनेक संधी

कोणत्याही क्षेत्रात कायदेशीर अडचणींना तोंड द्यावे लागले, की सर्वांना गरज पडते ती वकिलांची! खासगी असू दे किंवा सार्वजनिक क्षेत्र; प्रत्येक क्षेत्रात केव्हा ना केव्हा वकिलांची आवश्यकता भासत असतेच. फक्त कंपन्या किंवा सरकारी कार्यालयेच नाही तर वैयक्तिक पातळीवरही कायदेशीर अडचणी...
error: Content is protected !!