पैशाचा योग्य वापर तुम्हाला असलेल्या माहितीशी फारसा संबंधित नसतो. तो तुम्ही कसे वागता याच्याशी जास्त संबंधित असतो आणि कसे वागावे हे शिकवणे अत्यंत अवघड असते. विशेषतः हुशार लोकांना! पैशाचे मानसशास्त्र, हे पुस्तक हेच सांगते. पैशाचे नियोजन, त्याची गुंतवणूक आणि धंद्यातील निर्णय या गोष्टींमध्ये गणित आणि आकडेमोड आवश्यक असते असे सर्वसाधारणपणे मानले जाते. यात अनेक सूत्रे आणि माहिती वापरली जाते आणि मग काय निर्णय घ्यायचा हे ठरवले जाते. पण व्यवहारात लोक स्प्रेडशीटवर निर्णय घेत नाहीत. ते जेवताना, बैठक चालू असताना निर्णय घेतात… जेथे तुमचा भूतकाळ, तुमचा जगाकडे पाहण्याचा दृष्टिकोन, तुमचा अहंकार, अभिमान, खरेदी-विक्री अशा अनेक बाबी त्या निर्णयात अप्रत्यक्षपणे भाग घेत असतात. पैशाचे मानसशास्त्र, या पुस्तकात लोकं पैशाबद्दल किती अनोख्या पद्धतीने विचार करतात याविषयी लेखक १९ गोष्टी सांगत आहेत. शिवाय आयुष्यातील महत्त्वाच्या विषयांपैकी एक अशा ‘पैसा’ या विषयावर महत्त्वाचे धडे देत आहेत.
या पुस्तकात २० प्रकरणे आहेत. प्रत्येक प्रकरण तुम्हाला पारंपरिक विचारांना धक्का देणारे असेल कदाचित. पण पैशाच्या मानसशास्त्राचे हे वैशिष्ट्य आहे. किंबहुना तेच त्याचे काम आहे. प्रत्येक प्रकरण हे एक स्वतंत्र प्रकरण आहे. पण सगळी प्रकरणे एकमेकास पूरक आहेत. त्यामुळे तुम्ही प्रत्येक प्रकरण स्वतंत्ररीत्या वाचू शकता. हे पुस्तक फार काही जाडजूड नाही. तुम्ही हे पुस्तक जरूर वाचा. बऱ्याचदा वाचक पुस्तक वाचून संपवत नाहीत, कारण प्रत्येक मुद्यावर तीनशे-चारशे पाने लिहिली जातात. हे वीस मुद्यांवर थोडक्यात पण मुद्देशीर लिहिले आहे, पण जाडजूड पुस्तक न वाचण्यापेक्षा ते बरे! नाही का?
पैशाचे मानसशास्त्र
लेखक: मॉर्गन हाऊजेल
अनुवाद: जयंत कुलकर्णी
प्रकाशक: मधुश्री पब्लिकेशन
मूल्य- २५० ₹. / पृष्ठे- २२४
सवलतमूल्य- २२५₹.
टपालखर्च- ५० ₹.
संपर्कः ग्रंथ संवाद वितरण (8383888148)
