Saturday, June 22, 2024
Homeबॅक पेजदिवाळीनिमित्त मुंबईत ९...

दिवाळीनिमित्त मुंबईत ९ ठिकाणी रंगणार ‘नमो उत्सव’!

गणेशोत्सव, दहिहंडी, नवरात्र उत्सवाप्रमाणेच आता मुंबई भारतीय जनता पार्टीतर्फे शहरासह उपनगरात नमो उत्सवांतर्गत दिवाळी पहाट आणि दिवाळी संध्या कार्यक्रमाचे आयोजन करण्यात आले आहे. मुंबई भाजपा अध्यक्ष आ. ॲड. आशिष शेलार यांच्या संकल्पनेतून हा नमो उत्सव साकारला असून अनेक मान्यवर कलावंत, गीत, संगीत आणि सूरांच्या मैफलीत तब्बल ९ ठिकाणी हा उत्सव साजरा करणार आहेत.

नमो उत्सवात रविवारी (ता.१२) रोजी पहाटे ६ वाजता वांद्रे येथील रंगशारदा नाट्यगृहात प्रख्यात गायिका आरती अंकलीकर- टिकेकर, संजीव चिम्मलगी यांची मैफल होणार आहे. या मैफलीचे निवेदन अमित काकडे तर संगीत संयोजन निरंजन लेले यांचे असणार आहे.

शिवडी विधानसभा अंतर्गत नमो उत्सवात शुक्रवारी (ता.१०) रोजी सायं. ६.३० वाजता लालबाग येथील गणेश गल्ली मैदानावर दिवाळी संध्या कार्यक्रम झाला. या कार्यक्रमात गायक उत्तरा केळकर, कविता राम, अभिषेक नलावडे, केतकी भावे, श्रीरंग भावे यांचे गीत सादरीकरण झाले. अमित काकडे यांचे निवेदन तर दिगंबर नाईक यांचा विशेष सहभाग यात होता.

आ. मनीषा चौधरी यांच्या पुढाकारातल्या नमो उत्सवात आज, शनिवारी (ता.११) रोजी सायं. ६.३० वा. विद्या मंदीर शाळेचे सभागृह, छ. शिवाजी महाराज रोड, आनंद नगरच्या बाजूला, दहिसर येथे कार्यक्रम होणार आहे. गायक कलाकार दत्तात्रय मेस्त्री, सोनाली कर्णिक, राधिका नांदे, अभिषेक नलावडे, स्मिता गवाणकर यांचे गीत सादरीकरण यावेळी होईल. संगीत संयोजन अमित गोठीवरेकर, दिपक कुमठेकर यांचे असणार आहे.

मुंबई उपनगरचे पालकमंत्री ॲड. मंगल प्रभात लोढा यांच्या नेतृत्त्वात सोमवारी (ता. १३) रोजी पहाटे ६ वाजता. साहित्य संघ मंदिर, गिरगाव, चर्नी रोड येथे दिवाळी पहाट कार्यक्रम होणार आहे. यामध्ये अभिनेता संकर्षण कराडे आणि अभिनेत्री स्पृहा जोशी यांचा खुमासदार शैलीतील विनोदी कार्यक्रम होणार आहे. तसेच गोरेगाव पूर्व येथे नागरी निवारा परिषद झोन १/२ सर्कलजवळ दिवाळी पहाट कार्यक्रम होईल. तेथे गायक कलाकार दत्तात्रय मेस्त्री, सोनाली कर्णिक, धनश्री देशपांडे, अभिषेक नलावडे यांचे सादरीकरण तर कुणाल रेगे यांचे निवेदन असणार आहे.

विक्रोळी पूर्व कन्नमवार नगर नं. २ येथील विकास हायस्कूल सभागृहात सायं. ६.३० वाजता दिवाळी संध्या कार्यक्रम होणार आहे. गायक कलाकार दत्तात्रय मेस्त्री, सोनाली कर्णिक, राधिका नांदे, अभिषेक नलावडे, स्मिता गवाणकर यांचे गीत सादरीकरण तर दिगंबर नाईक यांचा यात  विशेष सहभाग असणार आहे.

मुंबई भाजपाचे सचिव जितेंद्र राऊत, भाजपा माहीम विधानसभा अध्यक्ष अक्षता तेंडुलकर यांच्या पुढाकाराने मंगळवारी (ता.१४) पहाटे ६ वाजता राजा बढे चौक, शिवाजी पार्क, दादर (पश्चिम) येथे दिवाळी पहाट कार्यक्रम होणार आहे. तेथे गायक दत्तात्रय मेस्त्री, सोनाली कर्णिक, धनश्री देशपांडे, संजीव चिम्मलगी, स्वरा जोशी यांचे गीत सादरीकरण, कुणाल रेगे यांचे निवेदन तर संगीत संयोजन अमित गोठीवरेकर, दिपक कुमठेकर यांचे असणार आहे.

जीवनगाणीचे प्रसाद महाडकर यांच्यातर्फे सर्व कार्यक्रमांचे संयोजन करण्यात आहे. हे सर्व कार्यक्रम मुंबईकरांसाठी विनामूल्य आहेत. भाजपाच्या त्या-त्या विभागात त्यांच्या मोफत प्रवेशिका उपलब्ध करुन देण्यात आल्या आहेत. दिवाळीनिमित्त आयोजित या खास कार्यक्रमांना मुंबईतील नागरिकांनी मोठया संख्येने उपस्थित राहवे, असे आवाहन मुंबई भाजपाचे अध्यक्ष आशिष शेलार यांनी केले आहे.

Continue reading

न्यूयॉर्कनंतर १०० किलोमीटर जलबोगदे असणारे शहर म्हणजे मुंबई

मुंबईतल्या अमर महल ते वडाळा व पुढे परळपर्यंतच्या ९.७ किलोमीटर लांबीच्या जलबोगद्याचे खोदकाम 'टीबीएम' संयंत्राद्वारे पूर्ण झाले आहे. या भूमिगत जल बोगदा प्रकल्पांतर्गत वडाळा ते परळदरम्यान ५.२५ किलोमीटर लांबीच्या दुसऱ्या टप्प्याच्या जलबोगद्याचा 'ब्रेक थ्रू' आज महानगरपालिका आयुक्त तथा प्रशासक...

देशातल्या 8 लोकसभा मतदारसंघांच्या काही मतांची होणार पडताळणी

भारत निवडणूक आयोगाने 1 जून 2024 रोजी जारी केलेल्या मानक कार्यप्रणालीच्या अनुषंगाने, नुकत्याच झालेल्या लोकसभा आणि राज्य विधानसभेच्या निवडणुकांचे निकाल जाहीर झाल्यानंतर, ईव्हीएमची बर्न्ट मेमरी/मायक्रोकंट्रोलर तपासणी/पडताळणीसाठी अनुक्रमे 8 आणि 3 अर्ज प्राप्त झाले आहेत. याचा तपशील पुढीलप्रमाणे: लोकसभा आम चुनाव 2024ईवीएम जांच...

कायद्याच्या पदवीधरांना करिअरच्या अनेक संधी

कोणत्याही क्षेत्रात कायदेशीर अडचणींना तोंड द्यावे लागले, की सर्वांना गरज पडते ती वकिलांची! खासगी असू दे किंवा सार्वजनिक क्षेत्र; प्रत्येक क्षेत्रात केव्हा ना केव्हा वकिलांची आवश्यकता भासत असतेच. फक्त कंपन्या किंवा सरकारी कार्यालयेच नाही तर वैयक्तिक पातळीवरही कायदेशीर अडचणी...
error: Content is protected !!