Sunday, June 23, 2024
Homeकल्चर +आता आर्या आंबेकर...

आता आर्या आंबेकर आणि मामे खानना ऐका मुंबईत!

अमेरिकेसह जगभर आपल्या नावाचा दबदबा निर्माण केल्यानंतर हर्षद पराशरेंची पॅराशेअर एन्टरटेन्मेट्स, ही कंपनी आता तीन मोठ्या कार्यक्रमांच्या माध्यमातून भारतात पदार्पण करण्यासाठी सज्ज झाली आहे.  जगभारात ३५०पेक्षा अधिक कार्यक्रमांचे यशस्वी आयोजन केल्यानंतर पॅराशेअर एन्टरटेन्मेट्स भारतीय रसिकांसाठी सांगितीक मेजवानी घेऊन येत आहे. त्यामुळे रसिकांना आता मुंबईतच आर्या आंबेकर तसेच मामे खान यांना लाईव्ह ऐकणं शक्य होणार आहे.

राजस्थानी गायकीचा ढंग देशाच्या कानाकोपऱ्यात पोहोचवणारे गायक कोक स्टुडिओ फेम मामे खान, आपल्या सतार वादनातून श्रोत्यांच्या काळजाची तार छेडणारे पुरबियान चॅटर्जी आणि आपल्या सुगम आणि शास्त्रीय गायनाने रसिकांना मंत्रमुग्ध करणारी गायिका आर्या आंबेकर यांच्या कार्यक्रमासह पॅराशेअर एन्टरटेन्मेंट महाराष्ट्रातल्या रसिकांसाठी पर्वणी घेऊन येतेय.

आपल्या आवाजातील गोडव्याने रसिकांच्या मनात अढळस्थान प्राप्त केलेल्या आर्या आंबेकरचे ५ मे रोजी मुंबईत मुलुंडच्या कालिदास नाट्यगृहात तर २२ मे रोजी बोरिवलीतील प्रबोधनकार ठाकरे रंगमंदिर येथे कार्यक्रम होणार आहे. या कार्यक्रमांमध्ये कधीही न अनुभवलेलं असं आर्याचं पूर्णतः वेगळं सादरीकरण प्रेक्षकांना अनुभवता येणार आहे. ११ मे रोजी मुंबईच्या राॅयल ओपेरा हाऊसमध्ये मामे खान आणि पंडित पुरबियान चॅटर्जी यांची मैफल आयोजित करण्यात आली आहे. ११ मेच्या संध्याकाळी राजस्थानी ठेका आणि बंगाली गोडवा यांचं फ्यूजन संगीत रसिकांसाठी पर्वणी ठरेल.

या तिन्ही कार्यक्रमांचे दिग्दर्शन पॅराशेअर एन्टरटेन्मेट्सचे संस्थापक हर्षद पराशरे यांनी केले आहे. त्यांचा मराठी रंगभूमीचा अनुभव आणि दिग्दर्शनाची अनोखी शैली यामुळे या कार्यक्रमांची रंगत आणखीनच वाढणार आहे.

भारतामध्ये भारतीय कलाकारांसोबत पदार्पण करताना आमच्या मनात आनंद आणि समाधान आहे. आजवर आम्ही भारतीय कलाकारांना जगभरातलं व्यासपीठ उपलब्ध करुन देत होतो. पण आता भारतातल्या दर्दी रसिकांसाठी आम्ही कार्यक्रम आयोजित करणार आहोत. आम्ही भारतात कार्यक्रम करावेत यासाठी गेली पाच वर्षं आम्हाला आग्रह केला जात होता आणि रसिक मायबापांची ही इच्छा अखेर आम्ही पूर्ण करत आहोत. भारताने अनेक दिग्गज कलाकार या जगाला दिले. तो वारसा जपणं, पुढे नेणं ही आमची जबाबदारी आहे. जगभरातल्या रसिकांसाठी कार्यक्रम केल्यानंतर आता भारतीयांसाठी जागतिक पातळीचे कार्यक्रम करताना आम्हाला फार आनंद होतोय, अशी प्रतिक्रिया हर्षद पराशरे यांनी दिली आहे.

या कार्यक्रमांची तिकिटं बुक माय शो आणि कार्यक्रमाच्या स्थळी उपलब्ध असतील.

अधिक माहितीसाठी संपर्क- https://parashare.com/

Continue reading

एलजीबीटीक्‍यूआयए+ समुदायासाठी व्यावसायिक प्रशिक्षण

फेडरल एक्‍स्‍प्रेस कॉर्पोरेशन (फेडएक्स) या जगातील सर्वात मोठ्या एक्‍स्‍प्रेस परिवहन कंपनी व्‍यावसायिक प्रशिक्षण स्‍कॉलरशिप्‍स देत जवळपास १०० एलजीबीटीक्‍यूआयए+ समुदायातल्या सदस्‍यांना अपस्किल करत आहे. या उपक्रमांतर्गत पात्र एलजीबीटीक्‍यूआयए+ व्‍यक्‍तींना सौंदर्य, शिवणकाम, नृत्‍य, मेकअप व मेहंदी कला अशा विविध क्षेत्रांमध्‍ये व्‍यावसायिक प्रशिक्षण...

मंदीच्या वातावरणातही एआय, एफएमसीजी क्षेत्रात रोजगारात वाढ

मंदीच्या वातावरणातही एआय, एफएमसीजी, ऑईल अँड गॅस क्षेत्रामधील रोजगारामध्‍ये वाढ झाल्याचे नोकरी जॉबस्‍पीकच्या सर्वेक्षणात आढळून आले आहे. नोकरी जॉबस्‍पीक इंडेक्‍स हा भारतातील व्‍हाइट कॉलर हायरिंग आघाडीचा सूचक एप्रिल २४च्‍या तुलनेत मे महिन्‍यामध्‍ये ६ टक्‍क्‍यांनी वाढला. पण गेल्‍या वर्षाच्‍या मे महिन्‍याच्‍या...

डी.एल.एड. प्रथम वर्ष प्रवेशासाठी 25 जूनपर्यंत मुदतवाढ

राज्य शैक्षणिक संशोधन व प्रशिक्षण परिषद, महाराष्ट्र, पुणे यांच्यामार्फत शैक्षणिक वर्ष 2024-25करिता डी.एल.एड. (D.El.Ed) प्रथम वर्ष प्रवेशासाठी ऑनलाईन अर्ज भरण्याची मुदत 25 जून 2024पर्यंत वाढवण्यात आली आहे. याआधी डी.एल.एड. (D.El.Ed) प्रथम वर्ष प्रवेशासाठी ऑनलाईन अर्ज भरण्याची मुदत 18 जून 2024पर्यंत होती. तथापि बऱ्याच संस्था, लोकप्रतिनिधी व...
error: Content is protected !!