Saturday, June 22, 2024
Homeकल्चर +शुभंकरोती साहित्य मंडळ संमेलनाच्या...

शुभंकरोती साहित्य मंडळ संमेलनाच्या अध्यक्षपदी लता गुठे!

शुभंकरोति साहित्य मंडळ, धुळे या संस्थेच्या वतीने धुळे येथे १ फेब्रुवारी 2024 रोजी घेण्यात येत असलेल्या एकदिवसीय साहित्य संमेलनाच्या अध्यक्षपदी साहित्यिका लता गुठे यांची निवड झाली आहे.

लता गुठे गेली पंधरा वर्षे साहित्य क्षेत्रामध्ये साहित्यिका, प्रकाशिका, संपादिका म्हणून कार्यरत आहेत. संतसाहित्य ते बालसाहित्य अशा विविध विषयांवर त्यांची एकूण 22 पुस्तकं प्रकाशित आहेत. मोहक युरोप (प्रवास वर्णन) ‘सोलमेट’, ‘शोध अस्तित्त्वाचा’ दोन कथासंग्रह ‘मना मना दार उघड’ वैचारिक विषयावरील पुस्तक, ‘संत चैतन्याचा मेळा’ संतसाहित्यावरील पुस्तक, ‘भाव-विभोर’ ललित लेखसंग्रह, ‘माझे प्रेरणास्रोत’ मुलाखतींचे पुस्तक ७ कवितासंग्रह ‘बिन भिंतीची शाळा’, ‘इटुकले पिटुकले, ‘चांदण बाग’, ‘गमडी गंमत’ असे बालकथा/ कवितासंग्रह ही साहित्यसंपदा त्यांनी लिहिली आहे.

भरारी प्रकाशनच्या माध्यमातून अडीचशेपेक्षा जास्त पुस्तकांची निर्मिती केली आहे ‘तार्‍यांचे जग’, ‘धमाल मस्ती’ दिवाळी अंकांचे सातत्याने बारा वर्ष संपादन केले आहे. माझं प्रेम आणि स्वप्न कळ्या या दोन दोन्ही मुद्रिकांची निर्मिती आणि गीतलेखन त्यांनी केले आहे. अनेक साहित्यिक उपक्रमाचे आणि साहित्य संमेलनाचे सातत्याने आयोजन तसेच देश विदेशात साहित्यिक कार्यक्रमांमध्ये सहभाग दिला आहे. ऑगस्टमध्ये झालेल्या उज्जैनकर फाउंडेशन जळगाव या संस्थेच्या युवा साहित्य संमेलनाचे अध्यक्षपद त्यांनी भूषविले आहे.

लता गुठे ह्या विश्वभरारी फाउंडेशनच्या संस्थापक अध्यक्ष आहेत. तसेच कोकण मराठी साहित्य परिषद मुंबई जिल्हाध्यक्ष, मुंबई मराठी ग्रंथ संग्रहालय विलेपार्ले शाखा कार्यवाह अशा विविध साहित्यिक सामाजिक संस्थांचा त्यांनी कार्यभार सांभाळला आहे.  विविध नामांकित संस्थांचे अनेक मान-सन्मान आणि पुरस्कार त्यांना मिळाले आहेत.

Continue reading

न्यूयॉर्कनंतर १०० किलोमीटर जलबोगदे असणारे शहर म्हणजे मुंबई

मुंबईतल्या अमर महल ते वडाळा व पुढे परळपर्यंतच्या ९.७ किलोमीटर लांबीच्या जलबोगद्याचे खोदकाम 'टीबीएम' संयंत्राद्वारे पूर्ण झाले आहे. या भूमिगत जल बोगदा प्रकल्पांतर्गत वडाळा ते परळदरम्यान ५.२५ किलोमीटर लांबीच्या दुसऱ्या टप्प्याच्या जलबोगद्याचा 'ब्रेक थ्रू' आज महानगरपालिका आयुक्त तथा प्रशासक...

देशातल्या 8 लोकसभा मतदारसंघांच्या काही मतांची होणार पडताळणी

भारत निवडणूक आयोगाने 1 जून 2024 रोजी जारी केलेल्या मानक कार्यप्रणालीच्या अनुषंगाने, नुकत्याच झालेल्या लोकसभा आणि राज्य विधानसभेच्या निवडणुकांचे निकाल जाहीर झाल्यानंतर, ईव्हीएमची बर्न्ट मेमरी/मायक्रोकंट्रोलर तपासणी/पडताळणीसाठी अनुक्रमे 8 आणि 3 अर्ज प्राप्त झाले आहेत. याचा तपशील पुढीलप्रमाणे: लोकसभा आम चुनाव 2024ईवीएम जांच...

कायद्याच्या पदवीधरांना करिअरच्या अनेक संधी

कोणत्याही क्षेत्रात कायदेशीर अडचणींना तोंड द्यावे लागले, की सर्वांना गरज पडते ती वकिलांची! खासगी असू दे किंवा सार्वजनिक क्षेत्र; प्रत्येक क्षेत्रात केव्हा ना केव्हा वकिलांची आवश्यकता भासत असतेच. फक्त कंपन्या किंवा सरकारी कार्यालयेच नाही तर वैयक्तिक पातळीवरही कायदेशीर अडचणी...
error: Content is protected !!