आर्मी ऑफिसर असल्याचे भासवून एका डेंटिस्टची एक लाखाहून जास्त रकमेला ऑनलाईन फसवणूक करणाऱ्या प्रकरणाचा छडा लावत दहिसर पोलिसांनी तक्रारदाराला फसविले गेलेली सर्व रक्कम परत मिळवून दिली आहे.
याबाबतची थोडक्यात हकीकत अशी. तक्रादार विपीन लक्ष्मणराव माहुरकर या 48 वर्षांच्या डॉक्टरचा स्वतःचा दातांचा दवाखाना आहे. 11/01/2024 रोजी सकाळी 11.00 वाजण्याच्या दरम्यान तक्रादार डॉक्यांटरांना 9824723979 हया अनोळखी क्रमांकावरून त्यांच्या ********49 हया नंबरवर दिपावली वर्मा नावाच्या महिलेचा फोन आला. समोरून बोलणाऱ्या महिलेने ‘मी आर्मीमधून बोलत आहे व आम्हाला आमच्या काही सैनिकांना तुमच्या दवाखान्यात क्लिनींगकरीता पाठवायचे आहे तर तुम्ही आम्हाला काही माहीती दया.’ असे सांगितले. त्याअनुषंगाने तक्रादाराने सदर महिलेला त्यांच्या साऊथ इंडियन बँक खाते क्र. *********04 व कोटक महिंद्रा बँक खाते क्र. ********7ची सर्व माहिती दिली. त्यानंतर सदर महिलेने सांगितले की, गेटपास बनवण्यासाठी व आर्मीच्या नियमांनुसार तुम्हाला 50 रू. भरावे लागतील. त्यानुसार तक्रादार डॉक्टरांनी 50 रू. पाठवले. त्यावर तक्रादाराला 100 रू. परत आले. त्यानंतर सदर महिलेने तक्रादाराला 50,000 रू. व 49,000 रू. पाठवायला सांगितले त्यानुसार तक्रादार यांनी त्यांच्या साऊथ इंडीयन बॅक खाते क्र. *********04 यामधुन 50,000 रू. व 49,000रू पाठवले. त्यानंतर तक्रादाराने पैसे परत मागितले असता सदर बँकेमध्ये पैसे रिफंड करता येत नसल्याने तुमचे दुसऱ्या बँकेचा खातेक्रमांक द्या, असे त्या महिलेने सांगितले.
त्यानंतर तक्रादाराने कोटक महिंद्रा बॅक खाते क्र. *******7ची सर्व माहिती दिली व त्यांच्या सांगण्यानुसार सदर कोटक महिंद्रा बॅक खाते क्र. ******07मधून 10,000 रू. पाठवले. त्यावर सदर महिलेने रू. 1000/- तक्रादाराला परत पाठवले. त्यानंतर तक्रादाराला कोणताही रिफंड आला नाही. त्यावरून आपली आर्थिक फसवणूक झाल्याचे तक्रादाराच्या लक्षात आले.
त्यानंतर तक्रारदार डॉ. माहुरकर यांनी तत्काळ दहिसर पोलीस ठाणे येथील सायबर सेलमध्ये तक्रार केली. त्यानंतर पोलीस उपनिरीक्षक राजेश गुहाडे यांनी तक्रारदाराच्या गेलेल्या रक्कमेचा शोध घेतला. तक्रारदाराची ही रक्कम कोटक महिंद्रा बँक येथे गेल्याचे समजले. त्यानुसार गुहाडे यांनी कोटक महिंद्रा बँकेच्या नोडलशी प्रथमतः कॉलद्वारे व नंतर मेलद्वारे संपर्क करून सदर अकाउंट फ्रिज करण्यास सांगितले व फॉलोअप घेऊन तक्रारदाराचे आर्थिक फसवणूक झालेले रुपये 1,09,950 /- त्यांना परत मिळवून देण्यात यश मिळवले.
पोलीस उपायुक्त स्मिता पाटील, सहाय्यक आयुक्त किशोर गायके, प्रभारी वरिष्ठ पोलीस निरीक्षक राणी पुरी, दिवसपाळी पर्यवेक्षक सहा. पोलीस निरीक्षक अंकुश दांडगे यांच्या मार्गदर्शनाखाली सायबर अधिकारी उपनिरीक्षक राजेश गुहाडे, पोलीस शिपाई नितीन चव्हाण, सुप्रिया कुराडे, श्रीकांत देशपांडे यांनी सदर रकमेचे तांत्रिक विश्लेषण करून, शोध घेऊन तक्रारदाराला त्यांची आर्थिक फसवणूक झालेली रक्कम परत केली.
