Thursday, June 13, 2024
Homeडेली पल्समुंबई आंतरराष्ट्रीय चित्रपट...

मुंबई आंतरराष्ट्रीय चित्रपट महोत्सवासाठी प्रवेशिका झाल्या खुल्या!

केंद्रीय माहिती आणि प्रसारण मंत्रालयाने 18व्या मुंबई आंतरराष्ट्रीय चित्रपट महोत्सवासाठी (एमआयएफएफ) प्रवेशिका खुल्या करण्याची घोषणा केली आहे. हा चित्रपट महोत्सव माहितीपट, ॲनिमेशनपटांसाठी दक्षिण आशियातील सर्वात प्रतिष्ठित व्यासपीठांपैकी एक आहे. 18वा मुंबई आंतरराष्ट्रीय चित्रपट महोत्सव 2024 मुंबईत 15 जून ते 21 जून 2024 या कालावधीत आयोजित केला जाणार आहे.

मुंबई आंतरराष्ट्रीय चित्रपट महोत्सव नॉन-फिक्शन आणि ॲनिमेशन प्रकारातील सर्वोत्कृष्ट चित्रकृतींचा उत्सव साजरा करतो तसेच जगभरातील आणि भारतातील चित्रपट निर्मात्यांना सर्वोत्कृष्ट चित्रकृतींचा पुरस्कार, प्रतिष्ठा आणि बक्षीस म्हणून एकूण 44 लाख रुपये रोख रक्कम जिंकण्यासाठी या महोत्सवात सहभागी होण्यासाठी आमंत्रित करतो.

या महोत्सवातील तिन्ही श्रेणीतील प्रवेशिका 15 जानेवारीपासून खुल्या झाल्या असून 15 फेब्रुवारीपर्यंत खुल्या राहतील. या कालावधीत चित्रपट निर्माते कोणत्याही प्रवेश शुल्काशिवाय त्यांच्या प्रवेशिका सादर करू शकतात. प्रवेशिका 16 फेब्रुवारी ते 29 फेब्रुवारी या कालावधीत शुल्कासह खुल्या असतील.

अर्ज दाखल करण्याची प्रक्रिया केवळ ऑनलाईन असून ती www.filmfreeway.in आणि www.miff.in या संकेतस्थळावर उपलब्ध आहे.

चित्रपट निर्माते खालील श्रेणींमध्ये त्यांच्या प्रवेशिका पाठवू शकतात:

स्पर्धा विभाग

 1. आंतरराष्ट्रीय स्पर्धा

 2. राष्ट्रीय स्पर्धा

 बिगर स्पर्धा विभाग

 1. मिफ प्रिझम

 2. पुर्वावलोकी, विशेष पॅकेजेस आणि श्रद्धांजली

 पात्रता निकष

 1. आंतरराष्ट्रीय स्पर्धा:

– 01 जानेवारी 2022 ते 31 डिसेंबर 2023 दरम्यान भारतात किंवा परदेशात निर्मित चित्रपट पात्र आहेत.

 2. राष्ट्रीय स्पर्धा:

– 01 जानेवारी 2022 ते 31 डिसेंबर 2023 दरम्यान भारतीय नागरिकांनी भारतात बनवलेले चित्रपट पात्र आहेत.

 अतिरिक्त मार्गदर्शक तत्त्वे:

– आंतरराष्ट्रीय किंवा राष्ट्रीय अशा एका स्पर्धा विभागात एक चित्रपट प्रविष्ट केला जाऊ शकतो.

– पूर्वीच्या मिफ आवृत्त्यांमध्ये प्रविष्ट केलेले किंवा प्रदर्शित केलेले चित्रपट, त्यांच्या छोट्या आवृत्त्या किंवा सुधारित अथवा पुनर्संपादित आवृत्त्या पात्र असणार नाहीत.

– ॲनिमेशन फीचर फिल्म, चित्रपट मालिका, दूरचित्रवाणी वाहिन्या किंवा केबल टीव्ही किंवा ओटीटी व्यासपीठ आणि इतर कोणत्याही डिजिटल व्यासपीठासाठी बनवलेले किंवा प्रदर्शित  केलेले भाग प्रवेशासाठी पात्र नाहीत.

– कॉपीराइट धारण करणार्‍या कोणत्याही संस्था किंवा एजन्सीद्वारे किंवा वैयक्तिक चित्रपट निर्माते अथवा दिग्दर्शकांद्वारे चित्रपट प्रविष्ट केले जाऊ शकतात. प्रवेशिकांच्या संख्येवर कोणतेही बंधन नाही.

रोख बक्षिसे :

विविध श्रेणीतील पारितोषिकांसाठी निवड झालेल्या सहभागींना एकूण 44 लाखांचे रोख बक्षीस दिले जाईल.

मुंबई आंतरराष्ट्रीय चित्रपट महोत्सवाबद्दल माहिती:

भारत सरकारच्या माहिती आणि प्रसारण मंत्रालयाकडून आयोजित केला जाणारा 1990 मध्ये प्रारंभ झालेला मुंबई आंतरराष्ट्रीय चित्रपट महोत्सव हा दक्षिण आशियातील नॉन फिचर फिल्म साठी सर्वात जुना आणि सर्वात मोठा चित्रपट महोत्सव आहे. हा महोत्सव सर्जनशीलता, कथाकथन आणि चित्रपट निर्मितीच्या कलेचा उत्सव आहे. माहिती आणि प्रसारण मंत्रालयाच्या सचिवांच्या नेतृत्वाखाली आयोजक समिती, चित्रपट सृष्टीतील प्रख्यात व्यक्ती, माहितीपट निर्माते आणि चित्रपट समीक्षक यांचा या महोत्सवात सहभाग असतो.

Continue reading

गिनीज बुक ऑफ वर्ल्ड रेकॉर्डने घेतली झोमॅटोची नोंद

भारतातील फूड-ऑर्डरिंग प्लॅटफॉर्म, झोमॅटोने डिलिव्हरी पार्टनर्सना जीवन वाचवणारी महत्त्वपूर्ण कौशल्ये शिकवण्यासाठी आयोजित केलेल्या पहिल्या कार्यक्रमाची गिनीज बुक ऑफ वर्ल्ड रेकॉर्ड नोंद घेतली आहे. सर्वात मोठ्या प्रमाणात प्रथमोपचार प्रशिक्षण कार्यक्रम एकाच छताखाली एकाच वेळी केल्याचा हा कार्यक्रम मुंबईतल्या नेस्को, गोरेगाव येथे आयोजित करण्यात...

राज्यसभेसाठी राष्ट्रवादीकडून सुनेत्रा पवार

राष्ट्रवादी काँग्रेसचे कार्याध्यक्ष खासदार प्रफुल पटेल यांनी दिलेल्या राजीनाम्याने रिक्त झालेल्या राज्यसभेच्या जागेसाठी होत असलेल्या पोटनिवडणुकीकरीता आज राष्ट्रवादी काँग्रेसच्यावतीने सुनेत्रा पवार यांनी उमेदवारीअर्ज दाखल केल्याची माहिती राष्ट्रवादीचे प्रदेशाध्यक्ष खासदार सुनिल तटकरे यांनी माध्यमांना दिली. राष्ट्रवादीच्या संसदीय मंडळाची बैठक बुधवारी रात्री...

लोकसभा निवडणुकीत मविआत मेरीटनुसार जागावाटप नाही!

लोकसभा निवडणुकीत महाविकास आघाडीला चांगले यश मिळाले असले तरी यापेक्षाही अधिक यश मिळू शकले असते. त्यामुळेच आता विधानसभा निवडणुकीत आघाडी म्हणून लढताना मेरीटनुसारच जागा वाटप झाले तर चांगला निकाल लागू शकतो. काँग्रेस महाविकास आघाडी म्हणूनच विधानसभा निवडणूक लढवणार असून...
error: Content is protected !!