Thursday, June 13, 2024
Homeमुंबई स्पेशलआर्किटेक्चरच्या विद्यार्थ्यांनी दिली...

आर्किटेक्चरच्या विद्यार्थ्यांनी दिली राणीबागेला भेट

मुंबईतल्या वसंतदादा पाटील प्रतिष्ठानच्या मनोहर फाळके कॉलेज ऑफ आर्किटेक्चरच्या 25 विद्यार्थ्यांनी भायखळ्याच्या वीरमाता जिजाबाई भोसले उद्यान, राणीबाग येथे भेट दिली. यावेळी 160 वर्षांचा समृद्ध वारसा लाभलेल्या या उद्यानातील वास्तूशास्त्रविषयक रचना व कार्यपद्धती, उद्यानविषयक नवनवीन संकल्पना, वृक्षसंपदा व उद्यानाविषयी इतर माहिती या विद्यार्थ्यांना देण्यात आली, अशी माहिती उद्यान विभागप्रमुख जितेंद्र परदेशी यांनी दिली.

मनपा उद्यान विभागाच्या उपक्रमांनी प्रेरित होऊन अनेक विद्यार्थी, कॉलेजेस उद्यान विभागात इंटर्नशिपसाठी उत्सुक असतात. बृहन्मुंबई महापालिका उद्यान विभागामार्फत नेहमीच नवनवीन उपक्रम राबवले जातात. यात प्रामुख्याने पर्यावरणपूरक अशा नवनवीन कल्पना जसे की मियावाकी पद्धतीने कमी जागेत झाडांची लागवड करणे, गच्चीवरील उद्यान निर्मिती, भिंतीवरील बागा (vertical garden) खुल्या जागेतील व्यायाम शाळा, वृक्षसंजीवनी अभियान, वापरलेल्या प्लास्टिकपासून उद्यानातील बाकडे  असे एक ना अनेक उपक्रम सीएसआरच्या माध्यमातून उद्यान विभागामार्फत सुरू असतात.

उद्यान विभागाच्या या पर्यावरणपूरक उपक्रमांमुळे उद्यान विभागाची राष्ट्रीय तसेच आंतरराष्ट्रीय स्तरावर याअगोदरच नोंद झालेली आहे. मुंबई शहरास अत्यंत प्रतिष्ठेचा असा जागतिक वृक्षनगरी 2022 व 2023चा किताब प्राप्त झाला आहे.

Continue reading

गिनीज बुक ऑफ वर्ल्ड रेकॉर्डने घेतली झोमॅटोची नोंद

भारतातील फूड-ऑर्डरिंग प्लॅटफॉर्म, झोमॅटोने डिलिव्हरी पार्टनर्सना जीवन वाचवणारी महत्त्वपूर्ण कौशल्ये शिकवण्यासाठी आयोजित केलेल्या पहिल्या कार्यक्रमाची गिनीज बुक ऑफ वर्ल्ड रेकॉर्ड नोंद घेतली आहे. सर्वात मोठ्या प्रमाणात प्रथमोपचार प्रशिक्षण कार्यक्रम एकाच छताखाली एकाच वेळी केल्याचा हा कार्यक्रम मुंबईतल्या नेस्को, गोरेगाव येथे आयोजित करण्यात...

राज्यसभेसाठी राष्ट्रवादीकडून सुनेत्रा पवार

राष्ट्रवादी काँग्रेसचे कार्याध्यक्ष खासदार प्रफुल पटेल यांनी दिलेल्या राजीनाम्याने रिक्त झालेल्या राज्यसभेच्या जागेसाठी होत असलेल्या पोटनिवडणुकीकरीता आज राष्ट्रवादी काँग्रेसच्यावतीने सुनेत्रा पवार यांनी उमेदवारीअर्ज दाखल केल्याची माहिती राष्ट्रवादीचे प्रदेशाध्यक्ष खासदार सुनिल तटकरे यांनी माध्यमांना दिली. राष्ट्रवादीच्या संसदीय मंडळाची बैठक बुधवारी रात्री...

लोकसभा निवडणुकीत मविआत मेरीटनुसार जागावाटप नाही!

लोकसभा निवडणुकीत महाविकास आघाडीला चांगले यश मिळाले असले तरी यापेक्षाही अधिक यश मिळू शकले असते. त्यामुळेच आता विधानसभा निवडणुकीत आघाडी म्हणून लढताना मेरीटनुसारच जागा वाटप झाले तर चांगला निकाल लागू शकतो. काँग्रेस महाविकास आघाडी म्हणूनच विधानसभा निवडणूक लढवणार असून...
error: Content is protected !!