Sunday, June 23, 2024
Homeएनसर्कलराष्ट्रपती भवनातले अमृत...

राष्ट्रपती भवनातले अमृत उद्यान 2 फेब्रुवारीपासून जनतेसाठी खुले!

उद्यान उत्सव-1, 2024 अंतर्गत, राष्ट्रपती भवनातील अमृत उद्यान 2 फेब्रुवारी ते 31 मार्च 2024 या कालावधीत जनतेला पाहण्यासाठी खुले राहणार आहे. उद्यानाच्या देखभालीसाठी राखून ठेवलेला सोमवारचा दिवस वगळता आठवड्यातले इतर सहा दिवस सामान्य नागरिक या उद्यानाला भेट देऊ शकतात.

हे अमृत ​​उद्यान खालील दिवशी विशेष वर्गांसाठी खुले राहील.

22 फेब्रुवारी- दिव्यांग व्यक्तींसाठी

23 फेब्रुवारी- संरक्षण, निमलष्करी आणि पोलीस दलातील जवानांसाठी

१ मार्च– महिला आणि आदिवासी महिला बचत गटांसाठी

5 मार्च– अनाथाश्रमातील मुलांसाठी

अभ्यागतांना सकाळी 10 ते सायंकाळी 4 वाजेपर्यंतच्या या सहा तासांच्या कालावधीमध्येच भेट देण्याची परवानगी असेल. सकाळी 10 ते दुपारी 12 वाजेपर्यंतच्या या दोन तासांच्या कालावधीमध्ये आठवड्याच्या इतर दिवशी 7,500 अभ्यागत प्रवेश क्षमता असेल आणि आठवड्याच्या शेवटी प्रत्येक ठराविक कालावधीमध्ये 10,000 अभ्यागत एवढी प्रवेश क्षमता असेल. दुपारच्या चार तासांच्या कालावधीकरिता क्षमता (दुपारी 12 ते सायंकाळी 4 वाजेपर्यंत) आठवड्याच्या इतर दिवशी प्रत्येक ठराविक कालावधी करिता 5,000 एवढी अभ्यागत प्रवेश क्षमता असेल आणि आठवड्याच्या शेवटी 7,500 अभ्यागत एवढी प्रवेश क्षमता असेल. या उद्यानाला भेट देण्यासाठी नागरिकांना खालील संकेतस्थळावर नोंदणी करता येईल.

https://visit.rashtrapatibhavan.gov.in/visit/amrit-udyan/rE 

या उद्यानाला प्रत्यक्ष भेट देणाऱ्या अभ्यागतांना राष्ट्रपती भवनाच्या गेट क्रमांक 12 जवळील सुविधा केंद्रावर किंवा स्वयं नोंदणी सुविधेवर (सेल्फ सर्व्हिस कियॉस्क) स्वतःची नोंद करावी लागेल.

या उद्यानाला भेट देणाऱ्या सर्व अभ्यागतांना राष्ट्रपती भवनातील फाटक क्रमांक 35मधून प्रवेश दिला जाईल आणि त्याच फाटकातून बाहेर पडता येईल (जिथे राष्ट्रपती भवनाला उत्तर दिशेकडील रस्ता येऊन मिळतो). या उद्यानाला भेट देणाऱ्या अभ्यागतांच्या सोयीसाठी, केंद्रीय सचिवालय मेट्रो स्टेशन ते गेट क्रमांक 35पर्यंत शटल बस सेवा सकाळी 9.30 ते संध्याकाळी 5.00 दरम्यान दर 30 मिनिटांच्या अंतराने उपलब्ध असेल.

या आपल्या भेटीदरम्यान, अभ्यागतांना बोन्साई गार्डन, म्युझिकल फाउंटन, सेंट्रल लॉन, लाँग गार्डन आणि सर्कुलर बागांचा अनुभव घेता येईल. बाहेर पडताना अभ्यागतांसाठी जेवण्याची सुविधादेखील उपलब्ध असेल.

अभ्यागत, आपल्या लहान मुलांसाठी मोबाईल फोन, इलेक्ट्रॉनिक चाव्या, पर्स/हँडबॅग, पाण्याच्या बाटल्या आणि दुधाच्या बाटल्या सोबत घेऊन जाऊ शकतात. सार्वजनिक मार्गावर ठिकठिकाणी पिण्याचे पाणी, शौचालये आणि प्रथमोपचार/वैद्यकीय सुविधांची व्यवस्था केली जाणार आहे.

Continue reading

एलजीबीटीक्‍यूआयए+ समुदायासाठी व्यावसायिक प्रशिक्षण

फेडरल एक्‍स्‍प्रेस कॉर्पोरेशन (फेडएक्स) या जगातील सर्वात मोठ्या एक्‍स्‍प्रेस परिवहन कंपनी व्‍यावसायिक प्रशिक्षण स्‍कॉलरशिप्‍स देत जवळपास १०० एलजीबीटीक्‍यूआयए+ समुदायातल्या सदस्‍यांना अपस्किल करत आहे. या उपक्रमांतर्गत पात्र एलजीबीटीक्‍यूआयए+ व्‍यक्‍तींना सौंदर्य, शिवणकाम, नृत्‍य, मेकअप व मेहंदी कला अशा विविध क्षेत्रांमध्‍ये व्‍यावसायिक प्रशिक्षण...

मंदीच्या वातावरणातही एआय, एफएमसीजी क्षेत्रात रोजगारात वाढ

मंदीच्या वातावरणातही एआय, एफएमसीजी, ऑईल अँड गॅस क्षेत्रामधील रोजगारामध्‍ये वाढ झाल्याचे नोकरी जॉबस्‍पीकच्या सर्वेक्षणात आढळून आले आहे. नोकरी जॉबस्‍पीक इंडेक्‍स हा भारतातील व्‍हाइट कॉलर हायरिंग आघाडीचा सूचक एप्रिल २४च्‍या तुलनेत मे महिन्‍यामध्‍ये ६ टक्‍क्‍यांनी वाढला. पण गेल्‍या वर्षाच्‍या मे महिन्‍याच्‍या...

डी.एल.एड. प्रथम वर्ष प्रवेशासाठी 25 जूनपर्यंत मुदतवाढ

राज्य शैक्षणिक संशोधन व प्रशिक्षण परिषद, महाराष्ट्र, पुणे यांच्यामार्फत शैक्षणिक वर्ष 2024-25करिता डी.एल.एड. (D.El.Ed) प्रथम वर्ष प्रवेशासाठी ऑनलाईन अर्ज भरण्याची मुदत 25 जून 2024पर्यंत वाढवण्यात आली आहे. याआधी डी.एल.एड. (D.El.Ed) प्रथम वर्ष प्रवेशासाठी ऑनलाईन अर्ज भरण्याची मुदत 18 जून 2024पर्यंत होती. तथापि बऱ्याच संस्था, लोकप्रतिनिधी व...
error: Content is protected !!