Sunday, June 16, 2024
Homeमाय व्हॉईसशेवटी छायाचित्रे बोलतातच..

शेवटी छायाचित्रे बोलतातच..

ही दोन छायाचित्रे आपल्याच राज्यातील शेजारीशेजारी असलेल्या महानगरांतल्या रस्त्यांची आहेत. एक आहे अंतिमहत्त्वाच्या व्यक्तींच्या गाड्यांसाठी महत्त्वाचा असलेला मुंबईतील पी डिमेलो मार्ग आणि दुसरे छायाचित्र आहे राज्यातील अति महत्त्वाची व्यक्ती असलेल्या मुख्यमंत्री एकनाथ शिंदे यांच्या ठाणे शहरातील!

यातील समान धागा म्हणजे दोन्हीकडे रसत्याच्या दुरुस्तीचे काम सुरू आहे. यातील पडद्याआडचे कलाकार दोन्हीकडील नोकरशहा आहेत. पी डिमेलो मार्गांवरील रसत्यावर वाहतुकीची कोंडी होऊ नये म्हणून खोदकाम केलेल्या रस्त्यावर जाडसर लोखंडी पत्रा अंथरुन वाहतुकीत खंड पडू नये म्हणून घेतलेली काळजी. तर दुसरीकडे ठाणे शहरातील बापूडवाणा कोलशेत रोड! त्यात उखडून ठेवलेल्या रस्त्यावरील शिळा आपला उद्धार करायला श्री राम प्रभू कधी बरे येतील या विवंचनेत उन खात बसलेल्या आहेत.

तसे पाहिले तर हा रस्ता सुमारे अडीच वर्षं रुंदीकरणाचे स्वप्न पाहात उजाड झाला आहे. श्री राम प्रभू वनवासात गेल्यावर शिळेचा उद्धार झाल्याची कथा सांगतात. आता ठाण्यात कुणाला वनवासात पाठवल्यावर या रस्त्याचे काम मार्गी लागेल याबाबत तर्कवितर्क केले जात आहेत. आपल्यासाठीही कोणी लोखंडी पत्रा अंथरून चालता येईल असा रस्ता द्यावा, अशी विनवणी ढोकाली नाका परिसरात राहणारे अबालवृद्ध नागरिक मुख्यमंत्री महोदयांना करत आहेत. अति महत्वाच्या व्यक्तींना देता त्या सर्व सुविधा आम्हाला नकोतच. परंतु चालण्याच्या अधिकारासाठी रस्ता द्या, इतुकीच मागणी मायबापा पूरी करावी अशी विनंती आज हनुमानाकडेच करण्यात आली आहे.

छायाचित्र मांडणी- श्रेया साळसकर

Continue reading

चला.. राजकीय प्रदूषणाचा भिकार खेळ संपला!

गेले पाच-सहा महिने सुरु असलेले राजकीय प्रदूषण अखेर कालच्या निवडणूक निकालाने संपले. राजकीय प्रदूषण अशासाठी म्हटले की, निवडणूक प्रचार व त्याआधी विविध राजकीय पक्षांच्या जवळजवळ सर्वच नेत्यांनी शब्दांची 'होळी' वा 'शिमगा' साजरा केला होता. केवळ शब्दच कानावर पडत होते...

राजकारण की समाजकारण म्हणजे अंडे पहिले की कोंबडी?

खरेतर हा सनातन प्रश्न आहे राजकारण की समाजकारण? महाराष्ट्रात हा प्रश्न घेऊन लोकमान्य टिळक आणि गोपाळ गणेश आगरकर समोरासमोर उभे ठाकले होते. यापासून तो अगदी आज, आतापर्यंत राजकारणानेच बाजी मारल्याचे दिसून येत आहे. ''the darkest places in hell are...

टाकेहर्षची कहाणी.. करूण की संतापजनक?

महाराष्ट्रातील गंगा म्हणून ओळखल्या जाणाऱ्या गोदावरी नदीच्या काठी असलेल्या त्रंबकेश्वर देवस्थानापासून अवघ्या 20/22 किलोमीटर्स वर असलेल्या टाकेहर्ष गावाची ही म्हटलं तर करूण म्हटलं तर संतापजनक कहाणी! अवघ्या 250 घरांची ही कहाणी. टाकेहर्ष, हे गाव आदिवासी पट्ट्यातील असून तेथे मूलभूत...
error: Content is protected !!