मुंबई डिस्ट्रिक्ट कॅरम असोसिएशनच्यावतीने सेंट्रल रेल्वे इन्स्टिटयूट दादर यांच्या सहकार्याने दशरथ येलवे यांच्या स्मरणार्थ ३२वी जुनियर मुंबई जिल्हा अजिंक्यपद कॅरम स्पर्धा एम. सी. ए. ट्रेनिंग सेंटर, सेंट्रल रेल्वे इन्स्टिटयूट, दादर, पश्चिम रेल्वे प्लेट फॉर्म क्रमांक ५ व व सेंट्रल रेल्वे प्लेट फॉर्म क्रमांक ८च्या मध्ये, शंकर मंदिराच्या बाजूला, दादर येथे आयोजित करण्यात आली आहे. इच्छुक खेळाडूंनी आपल्या क्लबमार्फत आपली नावे २४ जुलै २०२४ रोजी सायंकाळी ६ ते ८दरम्यान वरील पत्त्यावर नोंदवावीत.
१८ वर्षांखालील मुले व मुली तसेच २१ वर्षांखालील मुले व मुली अशा चार गटांमध्ये ही स्पर्धा घेण्यात येणार आहे. या स्पर्धेतून ५८व्या जुनियर राज्य अजिंक्यपद स्पर्धेसाठी महाराष्ट्राचा संघ निवडला जाणार आहे. अधिक माहितीसाठी मुंबई डिस्ट्रिक्ट कॅरम असोसिएशनचे सहसचिव संजय बर्वे यांच्याशी भ्रमणध्वनी क्रमांक ९१३७५७८९७८वर संपर्क साधावा.