Sunday, June 23, 2024
HomeArchiveस्वा. सावरकर स्मारकाची...

स्वा. सावरकर स्मारकाची चित्रकला स्पर्धा!

Details

 

 
 
 
केएचएल न्यूज ब्युरो 
 

“स्वातंत्र्यवीर सावरकर राष्ट्रीय स्मारक, मुंबईच्या वतीने स्वातंत्र्यवीर सावरकरांच्या आत्मार्पण स्मृतिवर्षानिमित्त लहानग्यांना आणि तरूण पिढीला डोळ्यासमोर ठेऊन राज्यस्तरीय चित्रकला स्पर्धेचे आयोजन करण्यात आले आहे. स्वातंत्र्यवीर सावरकर राष्ट्रीय स्मारक राज्यस्तरीय चित्रकला स्पर्धा रविवार, दिनांक २ फेब्रुवारी २०२० यादिवशी स्वातंत्र्यवीर सावरकर राष्ट्रीय स्मारक, शिवाजी पार्क येथे होणार आहे. मुंबई आणि राज्यभरातील नामांकित शिक्षण संस्थांमधील विद्यार्थी यात सहभागी होणार आहेत.”

“स्पर्धाप्रमुख विज्ञानेश शंकर मासावकर यांच्या मार्गदर्शनाखाली ही राज्यस्तरीय स्पर्धा होत असून शालेय, महाविद्यालयीन आणि खुल्या गटांसाठी स्पर्धेचे आयोजन करण्यात आले आहे. इतिहास, विज्ञान, तंत्रज्ञान आणि सामाजिक विषय केंद्रस्थानी ठेवण्यात आले आहेत. स्पर्धेतील विजेत्यांना गौरवचिन्ह, प्रमाणपत्र आणि रोख पारितोषिके देण्यात येणार आहेत. तसेच सहभागाचे प्रमाणपत्रही प्रत्येक स्पर्धकाला देण्यात येईल. रविवारी सकाळी १० ते सायंकाळी ४ या वेळेत शालेय, महाविद्यालय आणि खुल्या गटांमध्ये ही चित्रकला स्पर्धा घेतली जाईल.”

“‘चित्रकला स्पर्धेच्या माध्यमातून विद्यार्थ्यांमध्ये राष्ट्रभक्ती आणि सामाजिक बांधिलकीची जाणीव निर्माण व्हावी, विज्ञान-तंत्रज्ञान-इतिहास यातून चित्रकला साकारुन तेजस्वी राष्ट्रभक्तीला प्रेरणा मिळावी, यासाठी जास्तीतजास्त विद्यार्थ्यांना सहभागी करुन त्यांच्या कौशल्याला संधी देण्याचा हा प्रयत्न आहे.’, असे स्पर्धा प्रमुख मासावकर यांनी सांगितले आहे. स्पर्धेविषयी अधिक माहितीसाठी मयुरेश आंबेडे- ९७७३३५४१८५, सागर पाटील- ९८१९००६७६४, नरेश जंबुकर- ९८७००२०५०० या क्रमांकावर संपर्क साधावा. स्पर्धेसाठी ऑनलाइन नोंदणी, विषय, नियम व अधिक माहितीसाठी https://www.savarkarsmarak.com/ या संकेतस्थळाला भेट द्यावी, असे आवाहन आयोजकांनी केले आहे.”

Continue reading

एलजीबीटीक्‍यूआयए+ समुदायासाठी व्यावसायिक प्रशिक्षण

फेडरल एक्‍स्‍प्रेस कॉर्पोरेशन (फेडएक्स) या जगातील सर्वात मोठ्या एक्‍स्‍प्रेस परिवहन कंपनी व्‍यावसायिक प्रशिक्षण स्‍कॉलरशिप्‍स देत जवळपास १०० एलजीबीटीक्‍यूआयए+ समुदायातल्या सदस्‍यांना अपस्किल करत आहे. या उपक्रमांतर्गत पात्र एलजीबीटीक्‍यूआयए+ व्‍यक्‍तींना सौंदर्य, शिवणकाम, नृत्‍य, मेकअप व मेहंदी कला अशा विविध क्षेत्रांमध्‍ये व्‍यावसायिक प्रशिक्षण...

मंदीच्या वातावरणातही एआय, एफएमसीजी क्षेत्रात रोजगारात वाढ

मंदीच्या वातावरणातही एआय, एफएमसीजी, ऑईल अँड गॅस क्षेत्रामधील रोजगारामध्‍ये वाढ झाल्याचे नोकरी जॉबस्‍पीकच्या सर्वेक्षणात आढळून आले आहे. नोकरी जॉबस्‍पीक इंडेक्‍स हा भारतातील व्‍हाइट कॉलर हायरिंग आघाडीचा सूचक एप्रिल २४च्‍या तुलनेत मे महिन्‍यामध्‍ये ६ टक्‍क्‍यांनी वाढला. पण गेल्‍या वर्षाच्‍या मे महिन्‍याच्‍या...

डी.एल.एड. प्रथम वर्ष प्रवेशासाठी 25 जूनपर्यंत मुदतवाढ

राज्य शैक्षणिक संशोधन व प्रशिक्षण परिषद, महाराष्ट्र, पुणे यांच्यामार्फत शैक्षणिक वर्ष 2024-25करिता डी.एल.एड. (D.El.Ed) प्रथम वर्ष प्रवेशासाठी ऑनलाईन अर्ज भरण्याची मुदत 25 जून 2024पर्यंत वाढवण्यात आली आहे. याआधी डी.एल.एड. (D.El.Ed) प्रथम वर्ष प्रवेशासाठी ऑनलाईन अर्ज भरण्याची मुदत 18 जून 2024पर्यंत होती. तथापि बऱ्याच संस्था, लोकप्रतिनिधी व...
error: Content is protected !!