Details
केएचएल न्यूज ब्युरो
खारघर (नवी मुंबई) येथील गोखले विधि महाविद्यालयाच्या विद्यार्थ्यांनी क्षेत्रीय अभ्यासाअंतर्गत खारघरच्या पोलीस ठाण्याला भेट देऊन तेथील कामकाजाची माहिती घेतली. याप्रसंगी गोखले विधि महाविद्यालयाच्या प्राचार्या श्रुती जाधव यांच्या मार्गदर्शनाखाली सहाय्यक प्राध्यापक अनुराग आहेर यांच्यासह विद्यार्थी मोठ्या संख्येने उपस्थित होते.
“प्रारंभी खारघर पोलीस ठाण्याचे निरीक्षक महेश पाटील यांनी उपस्थित विद्यार्थ्यांचे स्वागत केले. त्यानंतर उपनिरीक्षक हनुमंत ढेरे व महेश मनोरे यांनी वरिष्ठ पोलिस निरीक्षक प्रदीप तेवर यांच्या मार्गदर्शनाखाली पोलीस ठाण्याचे कामकाज कसे चालते, हे सांगितले. प्राथमिक तपास अहवाल, तक्रारी ऑनलाईन कशा कराव्यात, तक्रारीनंतर पुढील प्रक्रिया कशी असते, गणपती मंडळे, नवरात्र मंडळे यांना परवानगी किती दिवसांत दिली जाते, याबाबत व अन्य कार्यालयीन कामकाज कसे चालते, याबाबत विद्यार्थ्यांना सविस्तर माहिती दिली. याप्रसंगी विद्यार्थ्यांनी उपनिरीक्षक हनुमंत ढेरे व महेश मनोरे यांना पोलीसठाण्याच्या कामकाजाबाबत काही प्रश्न विचारले. त्याची समाधानकारक उत्तरे त्यांनी दिली.”