Saturday, June 22, 2024
HomeArchiveएनएसएनआयएस पटियालाचे प्रशिक्षण...

एनएसएनआयएस पटियालाचे प्रशिक्षण निकष शिथिल!

Details

 
 
“केएचएल न्यूज ब्युरो
 
hegdekiran17@gmail.com
 
प्रथमच 2020-21 सत्रापासून पटियाला येथील नेताजी सुभाष राष्ट्रीय क्रीडा संस्था (एनएसएनआयएस) येथे क्रीडा प्रशिक्षणातील महत्त्वाकांक्षी पदविका अभ्यासक्रमासाठी 46 प्रख्यात धावपटूंना महिला आणि पुरूष दोन्ही, थेट प्रवेश मिळेल. केंद्रीय युवक कल्याण आणि क्रीडामंत्री किरेन रिजीजू यांनी मे महिन्यात हा निर्णय जाहीर केला होता. आता अभ्यासक्रमात प्रख्यात धावपटूंचा मोठा सहभाग सुनिश्चित करण्याच्या उद्देशाने यापूर्वी नमूद केलेल्या प्रवेशाच्या निकषांपैकी काही निकष शिथिल करण्याचा निर्णय घेण्यात आला आहे.
 
अभ्यासक्रमाच्या प्रवेशासाठी शैक्षणिक पात्रता सर्व नामांकित धावपटूंसाठी 10+2 राहील. क्रीडा क्षेत्रातील कामगिरीच्या निकषात बदल करण्यात आले आहेत जेणेकरून आशियाई आणि राष्ट्रकुल पदकविजेते आणि वरिष्ठ जागतिक अजिंक्य स्पर्धेतले सहभागी मोठ्या संख्येने या अभ्यासक्रमात प्रवेश घेऊ शकतील. यापूर्वी उमेदवाराला वरिष्ठ जागतिक अजिंक्य स्पर्धेमध्ये पदक मिळवणे अनिवार्य होते. मात्र नवीन निकषात ज्यांनी या स्पर्धेत भाग घेतला होता तेदेखील अर्ज करण्यास पात्र आहेत. आशियाई किंवा राष्ट्रकुल क्रीडा स्पर्धेत सुवर्णपदक जिंकण्याच्या निकषाऐवजी यापैकी कुठल्याही स्पर्धेत कोणतेही पदक- सुवर्ण, रौप्य किंवा कांस्य पदक विजेता असा बदल करण्यात आला आहे. ऑलिम्पिकमध्ये सहभागी झालेले प्रसिद्ध धावपटू या अभ्यासक्रमासाठी अर्ज करण्यास आपोआप पात्र ठरतात.
 

 
 
या निर्णयाबद्दल बोलताना भारतीय क्रीडा प्राधिकरणाचे महासंचालक संदीप प्रधान म्हणाले की, “भारताच्या वाढत्या क्रीडा परिसंस्थेच्या उदयोन्मुख गरजा भागवण्याची वाढती गरज आणि देशातील सर्वोत्तम प्रतिभावान खेळाडूंना आकर्षित करण्यासाठी मार्गदर्शन अभ्यासक्रमात प्रख्यात भारतीय धावपटूंचा समावेश महत्त्वाचा आहे. प्रख्यात धावपटूंसाठी प्रवेश निकष शिथिल केल्यामुळे त्यांच्यापैकी अनेकजण या अभ्यासक्रमासाठी अर्ज करण्यास पात्र ठरतील.””
 
46 नामांकित धावपटूंची निवड 23 क्रीडा प्रकारांसाठी (प्रत्येक प्रकारात 1 पुरूष, 1 महिला प्रशिक्षक) केली जाईल आणि त्यांना प्रवेश परीक्षेला हजर राहवे लागणार नाही कारण अभ्यासक्रमाच्या इतिहासात प्रथमच ही परीक्षा ऑनलाईन करण्यात आली आहे. सर्व प्रख्यात धावपटू ज्यांची या अभ्यासक्रमासाठी थेट निवड झाली आहे त्यांना इतर उमेदवारांबरोबर वैद्यकीय आणि शारीरिक चाचणी द्यावी लागेल. जर दोन नामांकित धावपटू एकाच क्रीडा प्रकारासाठी अर्ज करत असल्यास अंतिम उमेदवार निवडण्यासाठी गुणव्यवस्था ठेवली आहे. प्रख्यात धावपटूंसाठी निकष शिथिल केल्याच्या पार्श्वभूमीवर अभ्यासक्रमासाठी नावनोंदणीसाठी ऑनलाईन अर्ज सादर करण्याची मुदत 31 जुलैपर्यंत वाढवण्याचा निर्णयही घेण्यात आला आहे.
 
प्रख्यात धावपटूंव्यतिरिक्त इतर उमेदवारांसाठी कोरोना महामारीच्या सद्यस्थितीच्या अनुषंगाने असा निर्णय घेण्यात आला आहे की, जे उमेदवार पदवी अभ्यासक्रमाच्या अंतिम वर्षाच्या निकालाच्या प्रतीक्षेत आहेत किंवा जर त्यांनी प्रवेश घेतलेल्या विद्यापीठांनी अद्याप पदवी अभ्यासक्रमाची परीक्षा घेतली नसेल असे उमेदवारदेखील पदविका अभ्यासक्रमाच्या प्रवेशासाठी ऑनलाईन अर्ज करू शकतात. मात्र, त्यांना 30 सप्टेंबर 2020पर्यंत अंतिम वर्ष उत्तीर्ण प्रमाणपत्र सादर करावे लागेल.
 “

Continue reading

न्यूयॉर्कनंतर १०० किलोमीटर जलबोगदे असणारे शहर म्हणजे मुंबई

मुंबईतल्या अमर महल ते वडाळा व पुढे परळपर्यंतच्या ९.७ किलोमीटर लांबीच्या जलबोगद्याचे खोदकाम 'टीबीएम' संयंत्राद्वारे पूर्ण झाले आहे. या भूमिगत जल बोगदा प्रकल्पांतर्गत वडाळा ते परळदरम्यान ५.२५ किलोमीटर लांबीच्या दुसऱ्या टप्प्याच्या जलबोगद्याचा 'ब्रेक थ्रू' आज महानगरपालिका आयुक्त तथा प्रशासक...

देशातल्या 8 लोकसभा मतदारसंघांच्या काही मतांची होणार पडताळणी

भारत निवडणूक आयोगाने 1 जून 2024 रोजी जारी केलेल्या मानक कार्यप्रणालीच्या अनुषंगाने, नुकत्याच झालेल्या लोकसभा आणि राज्य विधानसभेच्या निवडणुकांचे निकाल जाहीर झाल्यानंतर, ईव्हीएमची बर्न्ट मेमरी/मायक्रोकंट्रोलर तपासणी/पडताळणीसाठी अनुक्रमे 8 आणि 3 अर्ज प्राप्त झाले आहेत. याचा तपशील पुढीलप्रमाणे: लोकसभा आम चुनाव 2024ईवीएम जांच...

कायद्याच्या पदवीधरांना करिअरच्या अनेक संधी

कोणत्याही क्षेत्रात कायदेशीर अडचणींना तोंड द्यावे लागले, की सर्वांना गरज पडते ती वकिलांची! खासगी असू दे किंवा सार्वजनिक क्षेत्र; प्रत्येक क्षेत्रात केव्हा ना केव्हा वकिलांची आवश्यकता भासत असतेच. फक्त कंपन्या किंवा सरकारी कार्यालयेच नाही तर वैयक्तिक पातळीवरही कायदेशीर अडचणी...
error: Content is protected !!